Skiparin fekk 150.000 krónur í bót

13.07.2018 - 22:15
AktueltSamfelag
Skiparin fekk 150.000 krónur í bót
Hetlendski trolarin, Venture, kann fara aftur til fiskiskap
 
 

Skiparin á hetlendska trolaranum, Venture, góðtók í kvøld eitt sektaruppskot um 150.000 krónur fyri at hava fiskað ólógliga undir Føroyum, og trolarin kann tí fara aftur til fiskiskap.

Tjaldrið tók Venture í einum stongdum kassa vestanfyri, umleið 28 fjórðingar úr landi.

Tjaldrið kom fram á trolaran, meðan hann fiskaði. Trolið varð drigið inn, uttan at Tjaldrið bað um tað.

Visti ikki at kassin var stongdur

Manning á Tjaldrinum fór umborð á Venture, og skiparin segði, at hann visti ikki, at kassin varð stongdur, men hann játtaði seg sekan.

Tjaldrið kom á Havnina við Venture um fýra tíðina í morgun.

Av tí at skiparin játtaði seg sekan, kom málið ikki fyri rættin, og skiparin tók í kvøld av einum uppskoti um gjalda 150.000 kr. í bót.

Nýggjastu sendingar í ÚV
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
3-2
92439
Sunnudag 17. mars
Guðstænasta í Havnar kirkju
92392
Sunnudag 17. mars
Andakt við Óla Poulsen
92389
Leygardag 16. mars
Estetiskur fimleikur, 2 partur
92376