Økta flogferðslan ein stórur dálkingartrupulleiki

14.07.2018 - 10:48
Aktuelt
Økta flogferðslan ein stórur dálkingartrupulleiki
Ferðavinnan fyllir meira og meira, tá dálking skal gerast upp í heimshøpi. Serliga er tað økta flogferðslan, sum fær ávaringarlampurnar at ringja.
 
 

Flogferðslan verður nú mett at standa fyri umleið átta prosent av samlaða CO2-útlátinum.

Stefan Gøssling, professari á universitetinum í Lund, sum hevur skrivað nógv um burðardygga ferðavinnu, sigur við Danmarks Radio, at gongdin bara fer at halda fram.

- Tað er bæði bíligari og lættari at keypa sær flogferðaseðlar, og á sosialu miðlunum síggja og lesa vit í heilum um eksotiskar ferðaupplivingar hjá hvør øðrum, og tað eggjar okkum til at ferðast enn meira, sigur hann og heldur fram:

- Hóast altjóða politiskir leiðarar tosa nógv um veðurlagsbroytingar, og hvussu vit øll somul skulu vera við til at avmarka CO2-útlátið, so er flogferðslan slett ikki við í hesum orðaskiftinum, men livir sína egnu og óskipaðu tilveru. 

Professarin vísir á útrokningar hjá grøna vitanarstovninum Concito, sum siga at CO2-útlátið frá einum einstøkum flogtúri millum Danmark til Thailand er umleið fimm tons fyri hvønn ferðandi.

Tað er tvífalt so nógv sum CO2-útlátið sambært ST eigur at vera í meðal fyri hvørt fólk í heiminum eitt heilt ár, um miðalhitin á jørðini ikki skal økjast meira enn tvey stig áðrenn 2050.

Eitt dømi um vaksandi flogferðsluna sást í floghavnini í Kastrup í gjár. Talið av ferðandi har setti met, tá tað fór upp um 110.000 fólk - væl at merkja bara í gjár.

Eisini í Føroyum veksur flogferðslan og harvið útlátið av CO2.

Fyrst í juni í ár vóru 129.000 ferðafólk komin og farin um flogvøllin í Vágum. Tað eru 14,5 prosent meira enn somu tíð í fjør.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382