Eingin umróður kortini

16.07.2018 - 08:46
ÍtrótturKappróður
Eingin umróður kortini
Ítróttardómstólurin hevur gjørt av, at fimmmannaførini hjá gentum ikki rógva umaftur, og at úrslitini frá Eystanstevnuróðrinum standa við.
 

Gentur í fimmmannaførum skulu ikki rógva umaftur í FM-kappingini 2018.

Tað hevur Ítróttardómstólurin hjá ÍSF gjørt av. Hann hevur staðfest avgerðina hjá Dómsnevndini hjá Róðrarsambandinum.

Nevndin broytti avgerðina hjá Róðrarsambandinum um umróður. Úrslitið av róðrinum hjá fimmmannaførum við gentum á Eystanstevnu stendur tí við.

Átta bátar tjóvstartaðu

Hvalvíkar Streymnesar Róðrarfelag kærdi róðurin á Eystanstevnu 16. juni, tí fleiri bátar byrjaðu at rógva, tá startdómarin rópti klárir. 

Upptøkur vístu, at ikki færri enn átta fimmmannafør við gentum fóru ov tíðliga av stað. 

Róðrarsambandið avgjørdi, at umróður skuldi verða á jóansøkustevnuni í Vági 23. juni.

Dómsnevndin broytti avgerðina

Men Argja Róðrarfelag og Hósvíkar Róðrarfelag kærdu hesa avgerð til Dómsnevndina hjá Róðrarsambandinum. Dómsnevndin broytti avgerðina og segði, at eingin umróður skuldi verða.

Ta avgerðina kærdi so róðrarfelagið Knørrur til Ítróttardómstólin hjá ÍSF. Men hann staðfestir nú avgerðina hjá Dómsnevndini.

Eingin umróður verður, og úrslitið á Eystanstevnu stendur við.

Endalig avgerð

Blikur av Argjum vann róðurin hjá fimmmannaførum við gentum á Eystanstevnu, Falkur úr Hósvík gjørdist nummar tvey og Drekin úr Havn nummar trý.

Ítróttardómstólurin sigur eisini, at Róðrarsambandið hevur onga heimild til fyrisitingarliga at døma umróður ella ógilda róður, tí bátur ella bátar fóru av tíðliga av stað.

Støðan hjá gentum í fimmmannaførum, nú ein róður er eftir, er tann, at Blikur hevur 37 stig, Tambar hjá Knørri í Havn hevur 35 stig og Drekin hevur 27 stig.

Úrskurðurin hjá Ítróttardómstólinum er endaligur.

Videoupptøkur frá Eystanstevnuróðrinum kunnu síggjast her: 

20180621_MUGU_ROGVA_UMAFTUR
 
Nýggjastu sendingar í ÚV
Týsdag 19. november
LEITISSTEIN 18.11.2019
101221
Týsdag 19. november
Góðan morgun, Føroyar 19. november 2019
101219
Mánadag 18. november
Tóta og Rasmus eru gestir í Dansivali
101195
Mánadag 18. november
Norðurljóð 18.november 2019
100908
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878