Forðaðu fyri 25 milliónum telduálopum

16.07.2018 - 13:50
AktueltÚtheimurin
Forðaðu fyri 25 milliónum telduálopum
Russland forðaði fyri 25 milliónum telduálopum og øðrum brotsverkum á samskiftiskervið í sambandi við HM-endaspælið, sigur Vladimir Putin, forseti
 

Russland forðaði fyri 25 milliónum telduálopum og øðrum brotsverkum á samskiftiskervið í sambandi við endaspælið í heimsmeistarakappingini í fótbólti. 

Tað sigur Vladimir Putin, forseti, í einum tíðindaskrivi, sum Kreml kunngjørdi í dag.

Forsetin sigur einki um, hvør skipaði fyri álopunum, men hann sigur, at tað eydnaðist at byrgja fyri teimum.

Í gjár hevði forsetin fund við umboð fyri fregnartænastur úr 34 londum, sum skipaðu fyri trygdini í sambandi við HM-endaspælið.

Putin segði, at álopini høvdu ongar álvarsamar hendingar við sær, og at fólk, sum komu til Russlands, kundu kenna seg trygg.

Hóast strong trygdartiltøk, sluppu fýra fólk í russiska punk-mótmælisbólkinum, Pussy Riot, inn á vøllin at gera ónáðir, tá finaludysturin millum Kroatia og Frakland varð spældur í Moskva í gjár.

Tey eru skuldsett fyri at hava brotið reglurnar fyri áskoðarar og fyri ólógliga at hava latið seg í løgreglubúna, skrivar tíðindastovan, Interfax. 

 
Nýggjastu sendingar í ÚV
Mánadag 6. apríl
Við Tórði á koronatúri
107298
Mánadag 6. apríl
Norðurljóð 6.apríl 2020
106803
Mánadag 6. apríl
Korona krevur sítt
107292
Sunnudag 5. apríl
Møti úr Betesda í Klaksvík
107250
Nýggjastu sendingar í SV
Mánadag 6. apríl
Kennir tú land títt? 2:3
107297
Sunnudag 5. apríl
Andakt við Bergtóri Hjelm Bjarkhamar
107272
Sunnudag 5. apríl
Familjumøti úr Kelduni
107261
Sunnudag 5. apríl
Guðstænasta úr Havnar kirkju
107262
Leygardag 4. apríl
Funksjon á Reinsaríinum
107256