Fiskivinnunýskipanin einki við søluna at gera

bannari
24.07.2018 - 15:15
AktueltVinna
Fiskivinnunýskipanin einki við søluna at gera
Løgmaður svarar nú Hanusi Hansen, reiðara, aftur, eftir at Hanus Hansen í gjár segði, at fiskivinnunýskipanin er orsøk til søluna av Sjúrðarbergi.
 

Sjúrðarberg varð í gjár seldur til Russlands fyri 41 milliónir krónur.

Sambært Hanusi Hansen er fiskivinnunýskipanin ein av høvuðsorsøkunum til søluna, sum ikki var aktuel, áðrenn fiskivinnunýskipanin byrjaði at taka skap. 

- Hann hevði ikki verið seldur, um vit ikki fingu hesa nýskipanina, sigur hann. 

Nú svarar løgmaður aftur. Aksel V. Johannesen, løgmaður, sigur í tíðindaskrivi: "Tað harmar meg almikið, at manningin á Sjúrðabergi hevur mist arbeiðið. Tíbetur er nógv virksemi í landinum, og tað er mín vón, og eg ivist onga løtu í, at hesi røsku starvsfólkini skjótast møguligt fáa annan kjans. Men lat tað vera greitt, at fiskivinnunýskipanin ikki kann vera orsøkin til, at Hanus kennir seg noyddan at selja," sigur Aksel V. Johannesen, løgmaður í tíðindaskrivi, og vísir á, at í fjør var føroyska kvotan í Barentshavinum á leið 30.000 tons, og at tað er methøgt.

Manningin á Sjúrðabergi, umleið 25 mans, er uppsøgd.

 
Nýggjastu sendingar í ÚV
Nýggjastu sendingar í SV
Mánadag 17. juni
3-2
95742
Mánadag 17. juni
EM hondbóltur: Føroyar - Montenegro
95713
Mánadag 17. juni
Andaktin
95706
Sunnudag 16. juni
EM hondbóltur: Danmark - Føroyar
95711
Mikudag 12. juni
Minnist tú enn? (13:13)
26422