"The Islands and the Whales" í uppskoti til Emmy

27.07.2018 - 10:08
Mentan
"The Islands and the Whales" í uppskoti til Emmy
Heimildarfilmurin hjá bretanum Mike Day, The Islands and the Whales, er nú í uppskoti til eina av undirbólkunum í Emmy virðislønunum.
 
 

Heimildarfilmurin hjá bretanum Mike Day, The Islands and the Whales, ið er upptikin í Føroyum og er um føroysku veiðimentanina við grindini, er nú í uppskoti til eina av undirbólkunum í Emmy virðislønunum.

Talan er um bólkin Outstanding Science and Technology Documentary. Filmurin varð tikin upp í Føroyum frá 2011-2014.

"The Islands and the Whales" er ein lýsing av lívi føroyinga og náttúruni kring teir, m.a. hvussu fiskur, grind og fuglur hevur verið fingin til matna, og hvussu aldargamli siðaarvur føroyinga hevur skapt eina serstaka mentan og samleika. Samstundis kann ídnaðarsamfelagið og dálking tess gera enda á hesi mentan.

Í mai vann filmurin PEABODY films-heiðurslønina fyri dokumentarfilmar í USA. Mike Day úr Edinburgh í Skotlandi gjørdi filmin, sum var liðugur í 2016. 

Emmy-virðislønirnar verða latnar í New York í USA tann 1. oktober.

Nýggjastu sendingar í ÚV
Mánadag 20. august
Túrur eystur í Skúvadal
84386
Mánadag 20. august
Morgunlestur mánadagin 20. august 2018
82973
Sunnudag 19. august
Guðstænasta í Christianskirkjuni
84372
Nýggjastu sendingar í SV
Mánadag 20. august
3-2
84430
Mikudag 15. august
Úr savninum: Á hellu eg stóð
84248
Týsdag 7. august
Úr savninum: Svangir lundar
84035