U20 taptu hálvfinaluna

29.07.2018 - 10:17
ÍtrótturHondbóltur
U20 taptu hálvfinaluna
Tað eydnaðist ikki føroyska U20-landsliðnum at røkka finaluni í EM-kappingini fyri tey næstbestu.
Føroyingar taptu móti Makedonsku favorittunum
Mynd: © U20 EHF Championship  
 

Føroyar spældu í gjár hálvfinalu móti Makedonia, sum hevði heimavøll og tí eisini nógvar stuðlar. 

Makedonia var favorittur at vinna, men góvu føroyingarnir liðnum ein skarpan gang. Fyrri hálvleikur var sera javnur, og hálvleiksstøðan var 13-12 til Makedonia. 

Hóast makedonar løgdu seg framum við fimm málum í seinna hálvleiki, so komu føroyingarnir aftur í aftur. 

Makedonar vóru frammanfyri við einum máli í síðsta minuttinum av dystinum, men tá 12 sekund vóru eftir skoraðu føroyingar og tryggjaðu javnleik og harvið brotskastskapping.

Í brotskastskappingini gjørdust føroyingarnir ov stuttir og máttu lúta fyri favorittunum. 

- Eg eri stoltur av mínum dreingjum. Vit vóru aftanfyri við fimm málum og komu aftur og høvdu ræði á dystinum. Men onkuntíð vinnur tú, og onkuntíð tapir tú, segði føroyski U20 landsliðsvenjarin, Marc Lausen-Marcher, við almennu heimasíðuna hjá EM-kappingini. 

Føroyski málmaðurin Hørður Trygvason, sum dagliga spælir við týska Flensburg, varð kosin dagsins leikari.  

Føroyar skulu sostatt spæla um 3. ella 4. plássið í hesari EM-kapping. Tann dysturin verður í dag klokkan hálvgum fimm føroyska tíð, tá Føroyar hitta Sveits.

Dysturin kann stroymast beinleiðis, trýst her

 
Nýggjastu sendingar í ÚV
Leygardag 20. apríl
Morgunlestur leygardagur 20. apríl 2019
93392
Fríggjadag 19. apríl
Rómi og ross løgdu støðið (2:2)
93585
Fríggjadag 19. apríl
Guðstænasta úr Vesturkirkjuni
93674
Hósdag 18. apríl
Rómi og ross løgdu støðið (1:2)
93584
Nýggjastu sendingar í SV
Mikudag 24. apríl
25 minuttir: Andrias Høgenni
93252
Fríggjadag 19. apríl
Flogbóltur: Mjølnir - Fleyr, mansfinala
93685
Fríggjadag 19. apríl
Andakt við Bergtóri Hjelm Bjarkhamar
93684
Fríggjadag 19. apríl
Hondbóltur: H71 - Neistin, 3 finalan
93682
Fríggjadag 19. apríl
Guðstænasta úr Vestmanna kirkju
93686