Norðurkorea heldur á fram við kjarnorkuætlanum

04.08.2018 - 16:21
Aktuelt
Norðurkorea heldur á fram við kjarnorkuætlanum
Loynilig frágreiðing hjá ST vísir, at Norðurkorea ikki ætlar sær at steðga við sínum kjarnorkuvirksemi, sum annars var ætlanin.
 
 

Mike Pompeo, amerikanski uttanríkisráðharrin, er saman við øðrum ráðharrum og embætisfólkum á eini trygdarráðstevnu, sum er í Singapore um vikuskiftið. Og tað er serliga eitt evni, sum hevur fylt nógv á ráðstevnuni. Ein nýggj og loynilig frágreiðing hjá ST er júst komin undan kavi, sum avdúkar, at Norðurkorea helst ongar ætlanir hevur um at minka sítt kjarnorkuvirksemi. 

Tað hevur annars verið ætlanin, at Norðurkorea skal minka um sítt kjarnorkuvirksemi. Tað var nevniliga avtalað á fundinum millum Donald Trump, forseta, og Kim Jong-un, norðurkoreanska leiðaran. 

Orð sum "fantastisk" og "søguligt", vórðu brúkt, tá Donald Trump, forseti, og norðurkoreanski leiðarin, Kim Jong-un, hittust í juni mánaði í Singapore. Men sambært frágreiðingini tykist at vera langt eftir á mál. 

Mike Pompeo um málið

Mike Pompeo, sum er uttanríkisráðharri í USA, sigur í dag sambært tíðindastovuni AFP, at tað er umráðandi at leggja áhaldandi fíggjarligt og diplomatiskt trýst á Norðurkorea fyri at røkka einum endaligum úrsliti, sum Norurkorea hevur lovað. 

- Kim Joun-un lovaði at minka um kjarnorkuvirksemið. Men vit síggja, at enn er langt á mál, sigur hann. 

Hann hitti norðurkoreanska uttanríkisráðharran, Ri Yong Ho fyri løtu síðani á ráðstevnuni, og tá góvu teir hvørjum øðrum hondina og avtalaðu ein fund millum sín, veit BBC at siga. Harumframt læt Pompeo norðurkoreanska ráðharranum eitt bræv frá Donaldi Trump, forseta, at geva Kim Jong-un. Tað er tó ikki greitt, hvat stendur í brævinum. 

Støðan er enn ógreið

Sjálvt um ein norðurkoreansk minking av kjarnorkuvirksemi var snúningsdepilin á fundinum millum Donald Trump og Kim Jong-un, tá teir hittust tann 12. juni í ár, er nógv sum nú bendir á, at júst tað ikki verður veruleiki. Í farnu viku kom undan kavi, at amerikanska fregnartænastan hevur ítøkiligan mistanka um nýggja framleiðslu av rakettum í býnum Sanum-dong í Norðurkorea, har einaveldið fyrr hevur framleitt rakettir, sum røkka yvir til amerikanska fastlandið.

Og so hevur Mike Pompeo gjørt púra greitt, at hann heitir á øll lond í Asia um at halda á fram við revsitiltøkum mótvegis Norðurkorea. 

Nýggjastu sendingar í ÚV
Hósdag 18. oktober
Morgunlestur hósdagur 18.oktober 2018
86024
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308