- Klaksvíkar kommuna er handlingslammað

06.08.2018 - 09:20
AktueltPolitikkur
- Klaksvíkar kommuna er handlingslammað
Tað sigur Gunvá við Keldu, býráðslimur og annar varaborgarstjóri í Klaksvík, í lesarabrævi.
 

Góða sambandið millum vinnuna og býráðið í Klaksvík er slitnað.

Tað sigur Gunvá við Keldu, býráðslimur og annar varaborgarstjóri í Klaksvík, í lesarabrævi.

Gunvá við Keldu, sum er í Fólkaflokkinum og minnilutanum í býráðnum í Klaksvík, skrivar, at vandamiklu avleiðingina av at vera  bæði í løgtinginum og borgartjóri síggja vit nú enn einaferð. 

Klaksvík hevur eina býráðsleiðslu, sum einki ger, men stillisliga heldur undan áganginum á vinnuna í Klaksvík. 

Altíð hevur Klaksvíkar býráð verið ein sjálvsagdur og týdningarmikil viðleikari hjá vinnuni, sigur Gunvá við Keldu.

Hetta tykist broytt við sitandi býráðsleiðslu, skrivar hon og finst at Jógvani Skorheim, borgarstjóra, og varaborgarstjóranum, Signhild Johannesen, nú trolarin Sjúrðarberg varð seldur av landinum og 25 menn mistu arbeiðið. 

Gunvá við Keldu finst at tí, sum varaborgarstjórin skrivaði um Sjúrðarberg í einum uppslagi á Facebook. Sambært varaborgarstjóranum er tað eingin vanlukka, at trolarin er seldur, tí skipanir eru, millum annað ALS, sum lofta teimum, sum vóru við Sjúrðarbergi.

Gunvá við Keldu sigur, at hon er púra ovfarin og kløkk av líkasælu borgarstjórans og hugmóðigu útsøgnini hjá varaborgarstjóranum á Facebook.

Tey eiga annars bæði at vera verjar hjá vinnulívinum, sum eigur lívið í kommunukassanum í Klaksvik.

 
Nýggjastu sendingar í ÚV
Mánadag 17. februar
City í tungum sjógvi
104928
Mánadag 17. februar
Dagsins yrking - Hitt blinda liðið
104570
Mánadag 17. februar
Góðan morgun Føroyar 170220
104913
Mánadag 17. februar
Morgunlesturin mánamorgunin 17. februar 2020
104413
Sunnudag 16. februar
Bolero
104898
Nýggjastu sendingar í SV
Sunnudag 16. februar
Guðstænasta úr Árnafjarða kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andaktin
104891
Leygardag 15. februar
Hondbóltur: H71 - Kyndil
104880
Leygardag 15. februar
Hondbóltur: H71 - VÍF
104874