BMW afturkallar bilar

08.08.2018 - 14:01
AktueltÚtheimurin
BMW afturkallar bilar
Týski bilframleiðarin BMW hevur kallað umleið 324.000 dieselbilar í Evropa innaftur frá eigarunum. 
 

Innkallingin kemst av einum tekniskum breki, sum hevur elvt til eld í 30 BMW-bilmoturum í Suðurkorea. Fyrr í ár vóru 106.000 bilar kallaðir á verkstað í Suðurkorea, og nú fer BMW eisini at kalla bilar á verkstøð í Evropa.

Tað skrivar týska blaðið Frankfurter Allgemeine Zeitung.

Enn er ikki greitt, um bilar seldir í Føroyum verða kallaðir á verkstað. BMW-bilarnir í Føroyum koma úr Danmark, sigur Gordon Rajani, stjóri í Nordcar, sum umboðar BMW í Føroyum, og enn eru bilar ikki kallaðir inn í Danmark.

Trupulleikin kemur møguliga av einum luti í útstoytinum á bilinum, og tað skal kannast og møguliga skiftast út.

Gordan Rajani greiðir frá, at vanliga mannagongdin er, at er okkurt brek við nýggjum bilum, verða teir kallaðir innaftur eftir einari fastari mannagongd og umvældir ókeypis.

Verkstaðsleiðari á Nordcar Valbjørn Mittelstein sigur, at tey í slíkum førum fáa boð úr Danmark, um okkurt brek er við BMW-bilum, men at eingin slík boð eru komin enn.

Bara í Týsklandi skulu 93.000 BMW-bilar á verkstað.

 
Nýggjastu sendingar í ÚV
Mánadag 19. august
Summartímin fríggjadagin 16. august
97774
Leygardag 17. august
Úr Fámjin til Trongisvágs (2:3)
97730
Nýggjastu sendingar í SV
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257
Mikudag 7. august
Úr savninum: Frætt & fregnað (5:11)
16490