- Tíðindi, mentan og ítróttur
Vágs kommuna størri inntøku enn væntað
Vágs kommuna størri inntøku enn væntað
Inntøkurnar hjá Vágs kommunu vóru seks milliónir krónur størri í fjør enn mett í fíggjarætlanini fyri 2017.
08.08.2018 - 12:01
Býráðið í Vági viðgjørdi og samtykti roknskapin fyri 2017 á eykabýráðsfundi í gjárkvøldið.
Inntøkurnar hjá Vágs kommunu í fjør vóru 63,9 milliónur krónur. Í fíggjarætlanini fyri 2017 varð mett, at inntøkurnar hjá kommununi vóru smáar 58 milliónir krónur.
Raksturin hjá Vágs kommunu kostaði 51,8 milliónir í fjør, sum eru 800.000 krónur minni enn í 2016.
Í fjør var avlopið hjá kommununi 700.000 krónur.
Vágs kommuna gjørdi íløgur fyri slakar 8 milliónir krónur í 2017.
Í 2017 vóru útreiðslurnar hjá Vágs kommunu til eldrarøkið í Suðuroynni 14,9 milliónir krónir.
Við árslok 2017 var nettoskuldin hjá Vágs kommunu smáar 33,8 milliónir krónur, 0,73 álíkning.
Nýggjastu sendingar í ÚV
Nýggjastu sendingar í SV