Afturlatnu uppboðssølurnar væntandi í næstu viku

bannari
09.08.2018 - 10:22
AktueltVinna
Afturlatnu uppboðssølurnar væntandi í næstu viku
Uppboðssølurnar vóru útsettar, tí tað var betri at fáa umsóknirnar um menningarkvotur avgreiddar fyrst, men enn eru ongar menningarkvotur í eygsjón.
 

Afturlatna uppboðssølan av rættindum at veiða makrel og norðhavssild verður í næstu viku.

Rógvi Reinert, aðalstjóri í fiskivinnumálum sigur við útvarpið, at enn verður arbeitt sum, at uppboðsølurnar verða tá.

Høgni Hoydal boðaði 19. juni frá, at uppboðssølurnar, sum annars skuldu vera 20. og 27. juni, vóru útsettar til ávikavist 14. august (týsdagin) og 16. august (hósdagin).

Uppboðssølurnar vóru útsettar, tí tað var betri at fáa umsóknirnar um menningarkvotur avgreiddar fyrst, segði landstýrismaðurin við fiskivinnumálum tá, men enn eru ongar menningarkvotur í eygsjón, so óvissa er enn um uppboðssøluna.

Høgni Hoydal, landsstýrismaður, hevur ikki verið at hitta um málið.

Stendur uppboðssølan við, skulu rættindini at veiða 7.490 tons av norðhavssild og 10.901 tons av makreli seljast á uppboðsølu í komandi viku.

Sølan av rættindum at veiða makrel verður so avgreidd 14. august 2018. Og sølan av rættindum at veiða norðhavssild verður avgreidd 16. august 2018.

Tað hevur ljóðað at menningarkvoturnar verða lutaðar út í hesi vikuni, men enn er einki at frætta. 38 umsóknir komu inn um menningarkvotur, men bara 7 loyvi verða latin.

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Hósdag 23. mai
Andglettur - Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638