Uppboðssølan av sild og makreli aftur útsett

bannari
10.08.2018 - 11:24
AktueltVinna
Uppboðssølan av sild og makreli aftur útsett
Fiskimálaráðið hevur boðað frá, at avgreiðslan av afturlatnu uppboðssølunum av rættindum at veiða norðhavssild og makrel er útsett eina viku.
 
 

Uppboðssølan, sum skuldi vera komandi vikuna, er enn eina ferð útsett.

Høgni Hoydal boðaði 19. juni frá, at uppboðssølurnar, sum annars skuldu vera 20. og 27. juni, vóru útsettar til ávikavist 14. august (týsdagin) og 16. august (hósdagin).

Uppboðssølurnar vóru útsettar, tí tað var betri at fáa umsóknirnar um menningarkvotur avgreiddar fyrst. Sambært fiskimálaráðnum kann tað hava fyrimun fyri vinnuna, at menningarkvoturnar eru avgreiddar, áðrenn langtíðarrættindi at fiska makrel og norðhavssild verða keypt. 

Rógvi Reinert, aðalstjóri í fiskivinnumálum segði við útvarpið fyrr í vikuni, at arbeitt varð sum, at uppboðsølurnar skuldu vera komandi vikuna. Men so er ikki. 

Uppboðssølurnar av rættindunum at veiða 7.490 tons av norðhavssild og 10.901 tons av makreli verða tí 21. og 23. august. 

Sølan av rættindum at veiða makrel verður so avgreidd 21. august 2018. Og sølan av rættindum at veiða norðhavssild verður avgreidd 23. august 2018.

Tað hevur ljóðað at menningarkvoturnar verða lutaðar út í hesi vikuni, men enn er einki at frætta. 38 umsóknir komu inn um menningarkvotur, men bara 7 loyvi verða latin.

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andakt við Hjørleifi Vang
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270