Kringvarpið skal viðgera málið umaftur

14.08.2018 - 13:05
Aktuelt
Kringvarpið skal viðgera málið umaftur
Mentamálaráðið hevur tikið avgerð í kæruni hjá Liljuni Weihe um flytingina í annað starv.
 

Mentamálaráðið hevur tikið avgerð í kæruni hjá Liljuni Weihe um flytingina í annað starv, eftir at Mentamálaráðið ógildaði uppsøgnina av henni sum tíðindaleiðara í apríl í ár.

Málið er heimvíst til nýggja avgerð í Kringvarpinum. 

Tann sokallaða flytingin innan starvsøkið av tíðindaleiðaranum merkti sambært niðurstøðuni hjá Mentamálaráðnum so stórar broytingar í starvinum hjá tíðindaleiðaranum, at tað starvsrættarliga er at meta sum ein uppsøgn við tilboði um annað starv.

Ein uppsøgn skal viðgerðast sambært fyrisitingarlógini og góðan fyrisitingarsið, og um hetta sigur niðurstøðan:

"Vísandi til, at talan í hesum førinum er um eina setanarrættarliga atgerð, sum er grundað á, at nakað er at lasta starvsfólkinum, er harumframt krav um eina víðkaða partshoyring. Víðka partshoyring áleggur setanarmyndugleikanum at partshoyra um tær faktisku umstøðurnar, umframt hvussu setanarmyndugleikin hevur mett um próvtilfar og rættarligar spurningar í málinum.Boðast skal eisini frá, hvørja støðu setanarmyndugleikin hevur til teir rættarligu spurningar í málinum herundir tær rættarreglur, ið verða brútkar og hvussu tær verða brúktar í málinum."

Harafturat skrivar Mentamálaráðið, at: 

"Røtt mannagongd í hesum málinum vildi sostatt verið, at KvF gav eitt ætlanarskriv um uppsøgn úr starvinum sum leiðari fyri aktuelt, samstundis, sum kærarin fekk tilboð um eitt nýtt starv. Hetta hevði havt við sær, at um kærarin ikki tók við nýggja starvinum, var hon at rokna sum uppsøgd av KvF sambært galdandi reglum." 

MMR leggur afturat, at niðurstøðan at ógilda uppsøgnuna av Liljuni Weihe í fyrstu atløgu bygdi á principp um proportionalitet, og at tað:

"(...) við støði í teimum upplýsingum, sum fyriliggja í málinum, verður í útgangsstøðinum mett, at ein møgulig ætlan hjá KVF um at siga kæraranum úr starvi sum Leiðara fyri Aktuelt og samstundis bjóða henni eitt annað hóskandi starv helst hevði verið eitt proportionalt stig at tikið sæð í ljósinum av staðfestu brotunum."

Harafturat stendur í avgerðini, at Mentamálaráðið ikki hevur orsøk til at seta metingina hjá Kringvarpinum, at atburðurin hjá kæraranum hevur viðført at stjórin á KVF misti álitið á kæraranum sum leiðara fyri Aktuelt. 

MMR sigur seg heldur ongar viðmerkingar hava til ætlanina hjá KvF um, at kærarin í staðin skal røkja aðrar uppávur innan tíðindaøki á stovninum, men at ein so týðandi broyting í starvinum hjá kæraranum má gerast á rættan hátt sambært sarvsfóklarættinum og fyrisitigarættinum. 

 
Nýggjastu sendingar í ÚV
Mánadag 28. september
Morgunlestur mánadagur 28. september 2020
113939
Sunnudag 27. september
Frá stríðsárunum (13:15)
113276
Sunnudag 27. september
Meg minnist
114012
Sunnudag 27. september
Minnismyndir: Torbjørn Poulsen
113769
Sunnudag 27. september
Guðstænasta úr Skála kirkju
114002
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812