- Tíðindi, mentan og ítróttur
Familjur hittast í Norðurkorea
Kríggið býtti koreansku hálvoynna í tvey, og familjur vórðu eisini skildar sundur, tí fólk, sum búðu norðan fyri markið, sluppu ikki at fara suðurum.
Slík tiltøk, at savna familjur, hava fyrr verið, men tann í dag er tann fyrsta, sum hevur verið seinastu trý árini. Eini hundrað fólk eru vald av hvørjum parti at vera við í sameiningini.
BBC skrivar, at suðurkoreanararnir eru blivnir valdir við lutakasti. Tann elsti er 101 ára gamal.
Ein 92-ára gomul kona sigur sambært AFP, at hon nú skal hitta son sín á fyrsta sinni, síðani kríggið endaði. Hon sigur, at hon misti sambandi við sonin, sum tá var fýra ára gamal, og við mann sín í ruðuleikanum, sum valdaði, tá hon royndi at flýggja.
- Eg kundi ikki ímynda mær, at hesin dagurin nakrantíð fór at koma. Eg visti ikki so frægt, at hann var á lívi, sigur hon.