Grikska stjórnin fullan avgerðarrætt á búskapinum

Grikska stjórnin fullan avgerðarrætt á búskapinum
Fyri fyrstu ferð í átta ár hevur grikska stjórnin nú fullan avgerðarrætt á landsins búskapi.
 
23.08.2018 - 11:56

Tað hendir eftir at ES nevndin og lánsveitarar hava slept vetorættinum, sum teir høvdu, tá talan var um grikska búskapin.

Tá fíggjarkreppan tók seg upp, var Grikkaland við at fara á húsagang, og tað gjørdi tað neyðugt hjá ES at taka um endan. Við Týsklandi á odda bjargaði ES Grikkalandi.

Krøvini sum vórðu sett landinum, vóru ógvuslig, og Grikkaland hevði ongar aðrar møguleikar enn at góðtaka hørðu krøvini.

Hóast Grikkaland nú sjálvt hevur fingið búskaparliga ræðisrættin aftur, so eru tað nógv sum framvegis eru í iva.

Eitt nú vil altjóða fíggingargrunnurin, IMF, vera við, at enn er langt á mál hjá Grikkalandi, og neyðugt er framvegis við neyvari stýring av búskapinum.

Granskarar siga, at fólkið í Grikkalandi hevur havt sera vánalig kor hesi átta árini. Arbeiðs- og starvsfólk hava mestsum ikki havt nøkur rættindi, og minstalønin hevur verið sera lág. Tað er lítið eftir av miðalklassanum í landinum.

Arbeiðsloysið í landinum var eitt skifti 30 %, men er nú lækkað niður í 19 %.

Hóast gongdina so hevur fólkið ikki stórvegis álit á polittisku skipanini, og tað fer at taka drúgva tíð at broyta ta gongdina, siga granskararnir.

Val verður í Grikkalandi næsta ár.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585