Stevnumið fyri Brexit uttan ES-avtalu lagt fram

24.08.2018 - 08:50
AktueltÚtheimurin
Stevnumið fyri Brexit uttan ES-avtalu lagt fram
Fær Bretland onga avtalu við ES í samband við Brexit, fær tað stórar avleiðingar fyri bretskir borgarar, vinnur og bretska ídnaðin sum heild.
Dominic Raab er ráðharri í Brexitmálum.
 
 

Í Bretlandi hevur ráðharrin í Brexitmálum, Dominic Raab, lagt fram stevnumið fyri borgarar og vinnuligar fyritøkur, í fall at Bretland ikki fær eina avtalu við ES í samband við, at landið fer úr Evropa samveldinum í mars næsta ár.

Eitt nú kunnu bretar vænta eykagjøld í sambandi við, at tey brúka gjaldskort í ES-londum, og fyritøkur kunnu vænta, at nógv eyka arbeiði stendst av landamørkum, tá felagsskapurin er burtur. 

Ein stórur partur av frágreiðingini eru tekniskar vegleiðingar til vinnuna um, hvat verður galdandi, um eingin avtala verður við ES.

Eitt nú 24 síður um, hvussu tað rakar ídnaðir innan heiligvág, fíggjarheimin og landbúnaðin. Tær mugu fyrireika seg til hægri toll og íløgur í nýggja software og logistisk forrit. 

Harafturat fara bretar, sum búgva í øðrum ES-londum at missa atgongd til bretskar bankar og tænastur í samband við pensiónsskipanir. 

Landbúnaðurin kann fáa trupulleikar við at útflyta til ES lond, og heilivágsfyritøkur hava fingið boð um at goyma heiligvág til seks vikur í fall, at trupulleikar vera við innflytan. 

Bretland kann eisini missa atgongdina til felags yvirlitið hjá ES yvir kriminellar persónar.

- Tað er mest sannlíkt, at vit fáa eina avtalu. Men vit mugu vita, hvussu borgarar, fyritøkur og tað almenna skulu bera seg at, um tað hendir, at vit ikki fáa eina avtalu, sigur Raab, sambært bretskum miðlum.

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538