- Tíðindi, mentan og ítróttur
Tórshavnar kommuna ynskir fleiri snildloysnir
KT deildin hjá kommununi og íverksetarahúsið Hugskotið skipa í samstarvi við Fróðskaparsetur Føroya fyri einum tiltaki, sum skal lyfta kommununa inn í framtíðina, sum tikið verður til.
Tiltakið hevur heitið Talgilda tín bý og er ein hugskotsverkstova fyri luttakarar í øllum aldri við fjølbroyttari bakgrund.
Endamálið er at arbeiða við nýhugsandi tøkniligum loysnum til tænastur, sum kommunan veitir, eitt nú vælferð, útbúgving, mentan, frítíð, ferðslu og býarskipan, undir leiðslu av royndum mentorum.
Tiltakið verður 21. til 22. september í nýggju Kongshøll í Sjóvinnuhúsinum á Vestaru Bryggju.
Tað endar við, at luttakararnir leggja sínar loysnir fram fyri eini dómsnevnd, sum velur bestu loysnina.
Vinnandi toymið fær 50.000,- kr í virðisløn.