Vilja hava eyka býráðsfund

Vilja hava eyka býráðsfund
Javnaðarflokkurin á Tvøroyri vil hava eyka býráðsfund.
 
27.08.2018 - 10:12

Flokkurin vil hava Tvøroyar býráð at keypa ella leiga bygningin, har sambýlið við Sílá var.

Javnaðarflokkurin á Tvøroyri, sum hevur meirluta í býráðnum, vil hava eyka býráðsfund á Tvøroyri fyri at viðgera støðuna við eldraøkinum.

Í skrivi sigur Javnaðarflokkurin, at Búð- og Heimatænastan í Suðuroy er fíggjarliga sperd og fær ikki útreiðslurnar og endurgjaldið frá landinum til at hanga saman.

Tað er heldur ongin loynað, at tilboðini, sum Búð- og Heimatænstan í Suðuroynni bjóða heimabúgvandi eldru borgarar í syðru helvt, samanborið við norðaru helvt, ikki eru tey somu, sigur Javnaðarflokkurin.

Javnaðarflokkurin heldur, at ein loysn er at brúka eldrasambýlið við Sílá, sum er gjørt av nýggjum, eftir at tað fór í ódnini í 2011.

Tá seldu Tvøroyar Kommuna bygningin. Bygningurin er nú bygdur uppaftur, og stendur til sølu.

Í skrivinum frá Javnaðarflokkin á Tvøroyri stendur, at í 2016 varð bygningurin liðugt umvældur og Búð- og Heimatænastan í Suðuroy gjørdi avtalu við eigararnar av bygninginum um yvirtøku. 

Sambært Javnaðarflokkinum, so er fígging játtað tvær til rakstur á sambýlinum við Sílá, men onki er hent.

Javnaðarflokkurin hevur heitt á borgarstjóran á Tvøroyri um kalla inn til eyka býráðsfund beinanvegin.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652