Iran heldur treytirnar í kjarnorkuavtaluni

Iran heldur treytirnar í kjarnorkuavtaluni
Altjóða kjarnorkustovnurin sigur í frágreiðing, at hóast óvissa valdar um kjarnorkuavtaluna, so heldur Iran treytirnar í avtaluni.
 
31.08.2018 - 15:55

Hóast óvist er, hvussu verður við kjarnorkuavtaluni, sum USA og fleiri onnur lond gjørdu við Iran, heldur Iran treytirnar í avtaluni.

Tað sigur altjóða kjarnorkustovnurin, IAEA, í eini frágreiðing.

Hetta er onnur frágreiðingin frá IAEA um kjarnorkuna, síðani amerikanski forsetin, Donald Trump, tók USA burtur úr avtaluni.

Trump avgjørdi samstundis at seta tiltøkini móti Iran í gildi aftur.

Í frágreiðingini stendur, at Iran hevur hildið seg innan fyri markið at ríka uran, og hvar tað kann goymast.

Sagt verður, at IAEA hevur fingið atgongd til alt, sum umsjónarfólkini høvdu brúk fyri at síggja í Iran.

Men IAEA eftirlýsir kortini betri samstarvsvilja frá iransku myndugleikunum at fáa atgongd til kjarnorkuvirkini í landinum.

Kjarnorkuavtalan millum Iran og tey fimm stóru londini í ST-trygdarráðnum, USA, Russland, Kina, Bretland og Frakland, og Týskland og ES var gjørd í Wien í 2015. 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584