- Tíðindi, mentan og ítróttur
Revsingin viðgerast í Landsrættinum
Eystari landsrættur fer í dag at viðgera kærumálið frá Peter Madsen, sum býarrætturin í Keypmannahavn dømdi lívlanga fongsulsrevsing fyri at hava pínt og dripið svenska journalistin, Kim Wall, umborð á kavbáti sínum í august í fjør.
Landsrætturin skal bara taka støðu til revsingina.
Peter Madsen og verji hansara hava tikið til eftirtektar, at býarrætturin dømdi Peter Madsen sekan, hóast hann ongantíð hevur játtað seg sekan í manndrápi.
Peter Madsen og verji hansara vilja hava landsrættin at áseta eitt áramál fyri revsingina, og væntandi fer verjin at mæla rættinum til fongsulsrevsing í 12-16 ár, skriva danskir miðlar.
Landsrætturin hevur sett tríggjar dagar av at viðgera málið.
Seinastu 10 árini eru 14 fólk í Danmark dømd lívlanga fongsulsreving.