Føroyar byrjaðu við sigri

07.09.2018 - 21:58
ÍtrótturFótbóltur
Føroyar byrjaðu við sigri
Føroyar vunnu sannførandi á Malta í fyrsta UEFA Nations League dystinum
 

Føroysku spælararnir livdu í kvøld upp til favorittleiklutin, sum bleiv givin teimum, áðrenn dystin móti Malta.

Føroyar vunnu 3-1, eftir at hálvleiksstøðan hevði verið 2-1.

Jóan Símun Edmundsson skoraði fyrsta málið í 31 minutti, tá hann revsaði eitt mistak hjá maltesisku verjuni.

Venjarin hjá Malta vísti eftir dystin til hetta málið, tá hann segði, at gert tú mistøk, so mást tú rinda prísin.

Málið setti gongd á gott føroyskt spæl, og tá 38 minuttir vóru farnir, økti Rene Shaki Joensen til 2-0.

Nógv bendi eisini á, at tað skuldi blíva hálvleiksstøðan, men stutt  fyri hálvleik minkaði Michael Mifsud um munin til hálvleiksstøðuna 2-1.

Endurtøkurnar vístu, at málið hjá Malta burdi verið kolldømt, tí Mifsud var rangstaddur.

Allur ivi bleiv tó skúgvaður til viks, tá seinni hálvleikur var bara seks minuttir gamal. 

Fyrst hildu Føroyar seg eiga brotsspark, sum ikki bleiv dømt. Sølvi Vatnhamar bleiv tó við at stríðast fyri bóltinum.

Tað endaði við, at hann við góðari avlevering spældi Hall Hansson í góða støðu, og hann setti bóltin í málið til endaliga úrslitið 3-1.

Føroyska liðið kom til nakrar møguleikar aftaná 3-1 málið, men tóktist annars at vera nøgt við støðuna og leyp tí ikki líka nógv á.

Úrslitið hevur við sær, at Føroyar eru á odda í bólki 3 í kapping D í UEFA Nations League.

Hin dysturin í bólkinum, millum Aserbadjan og Kosovo, endaði 0-0.

Mánakvøldið spæla Kosovo og Føroyar í høvuðsstaðnum í Kosovo, Pristina.

Malta tekur mánakvøldið ímóti Aserbadjan.

Føroyar-Malta 3-1 (2-1)

31 min. 1-0 Jóan Símun Edmundsson
38 min. 2-0 Rene Shaki Joensen
42 min. 2-1 Michael Mifsud
51 min. 3-1 Hallur Hansson

 

 

Sí eisini

Nýggjastu sendingar í ÚV
Fríggjadag 19. juli
Minibarrin 19. juli 2019
96870
Fríggjadag 19. juli
Summartímin hósdagin 18. juli
96921
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747