Stjórnarskipanin umrøðast í næstum

bannari
10.09.2018 - 18:18
AktueltPolitikkur
Stjórnarskipanin umrøðast í næstum
Aksel V. Johannesen, løgmaður, hevur boðsent floksformonnunum á fund 21. september, at umrøða uppskotið til stjórnarskipan.
 

Uppskotið fall burtur á ólavsøku, tí semja fekst ikki um uppskotið.

Atfinningar vóru at uppskotinum tá tað varð lagt fram, m.a. tí at ongar viðmerkingar vóru til ymsu greinarnar í uppskotinum.

Serliga grein 25 nevndin sum umrøddi uppskotið, hevði nógvar fundir í vetur, vár og tíðliga í summar, men einki úrslit spurdist burturúr, og tí datt uppskotið burtur.

Nú ætlar so Aksel V. Johanne, løgmaður at gera enn eina roynd, fyri at fáa greiðu á, um hann skal leggja uppskotið fyri aftur løgtingið.

Aksel V. Johannesen, løgmaður, vil ikki gera fleiri viðmerkingar, enn at fundur verður við floksformenninar. Hann vísir til tað, sum hann segði í ólavsøkurøðini, tá hann stutt nevndi stjórnarskipanaruppskotið.

- Stjórnarskipanararbeiðið fyllir skjótt 20 ár, og eg havi lagt stóra orku í málið, men tað hevur verið tungt. Stjórnarskipanin er ikki eitt samgongumál, men eitt mál fyri alt løgtingið og fyri allar føroyingar. Tí má alt løgtingið eisini vera við. Viljin hjá andstøðuni hevur verið avmarkaður, men eg fari kortini at tosa við formenninir eina ferð enn fyri at vita, um grundarlag er fyri at arbeiða víðari, segði løgmaður í Ólavsøkurøðuni. 

Fundurin við floksformenninar verður 21. september.

 
Nýggjastu sendingar í ÚV
Hósdag 18. juli
Í fótafari Paulusar - 8. partur
96449
Hósdag 18. juli
Lívsleiðsskiftið (3:8)
96404
Hósdag 18. juli
Minibarrin 18. juli 2019
96869
Hósdag 18. juli
Summartímin mikudagin 17. juli
96886
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747