Eykajáttan til Landssjúkrahúsið

Sambandsflokkurin og Miðflokkurin mæla til at lata Landssjúkrahúsinum 17 milliónir til raksturin í ár.

Flokkarnir siga, at við tí slepst undan at útseta viðgerðir til næsta ár, tí pengar eru ikki í ár.

Teir siga, at sambært landsstýriskvinnuni í heilsumálum hevur Landssjúkrahúsið brúk fyri 17 milliónum krónum afturat í ár, skal raksturin ikki tálmast og viðgerðir bæði her og uttanlands útsetast.