Fíggjarnevndin finst at Kim Kielsen

11.09.2018 - 10:24
AktueltPolitikkur
Fíggjarnevndin finst at Kim Kielsen
Nevndin er sera misnøgd við, at hon einki hevur fingið at vita um lutin hjá Danmark í málinum um flogvallaverkætlanini, sum Danmark nú skal fíggja.
 

Fíggjar- og skattanevndin hjá grønlendska landstinginum kallaði fyrrapartin í gjár Kim Kielsen, landsstýrisformann, í samráð fyri at fáa okkurt at vita um avtaluna, hann ætlaði at gera við Lars Løkke Rasmussen, forsætisráðharra.

Men Kim Kielsen sendi avboð, tí Lars Løkke Rasmussen kom til Nuuk. 

Mælti frá at skriva undir

Fíggjar- og skattanevndin fýlist einmælt hvassliga á, at hon einki fekk at vita um avtaluna, sum Kim Kielsen og Lars Løkke Rasmussen gjørdu í gjár. Nevndin mælti Kim Kielsen frá at skriva undir.

Nevndin hevur havt málið um flogvøllirnar síðani í vár, og onnur viðgerð verður, nú landstingið kemur saman aftur um góðar tvær vikur.

Nevndin er sera misnøgd við, at hon einki hevur fingið at vita um lutin hjá Danmark í málinum, skrivar formaðurin í nevndini, Hermann Berthelsen, sum er í flokkinum Siumut, sama flokki sum Kim Kielsen, í tíðindaskrivi, sum varð sent út fyri fundin í gjár millum Kim Kielsen og Lars Løkke Rasmussen.

Nevndarlimirnir siga, at landsstýrisformaðurin sýnir nevndini vanvirðing.

Danmark fíggjar flogvallaverkætlanunum

Danska stjórnin setur 700 milliónir krónur í tveir flogvøllir í Grønlandi og tryggjar grønlendingum aðrar 900 milliónir krónur í lagaligum lánum.

Lars Løkke Rasmussen, forsætisráðharri, og Kim Kielsen, landsstýrisformaður, skrivaðu seinnapartirn í gjár  undir samstarvsavtalu um umstríddu flogvallarverkætlanina, sum sunnudagin kostaði samgonguni í Grønlandi meirilutan í landstinginum.

Peningurin skal brúkast til ein altjóða flogvøll í Nuuk og ein flogvøll í Illulisat, og danski staturin fær við avtaluni sindur meira enn triðingin í ognarluti. 

Avtalan skal samtykkjast bæði í landstinginum og í fólkatinginum.

 
Nýggjastu sendingar í ÚV
Mánadag 22. apríl
Tretivu ár síðan oyggjaleikirnar
93309
Mánadag 22. apríl
Hin miskunnsami samariubúgvin
93342
Mánadag 22. apríl
Guðstænasta í Hoyvíkar kirkju
93730
Sunnudag 21. apríl
Tónaskaldið Jógvan Telling
93308
Sunnudag 21. apríl
Bolero páskadag 2019
93714
Nýggjastu sendingar í SV
Mikudag 24. apríl
25 minuttir: Andrias Høgenni
93252
Sunnudag 21. apríl
Ein stór løta
93495
Sunnudag 21. apríl
Andaktin
93717
Sunnudag 21. apríl
Guðstænasta úr Glyvra kirkju
93718
Sunnudag 21. apríl
Flogbóltur: Mjølnir - Fleyr, mansfinala
93706