Kunnu søkja um at sleppa at fiska

11.09.2018 - 07:23
AktueltVinna
Kunnu søkja um at sleppa at fiska
Skip í bólki 3 kunnu nú søkja Vørn um at sleppa at fiska írestandi kvotu av toski og brosmu í Eysturgrønlandi.
 
 

Vørn boðar frá, at útlit eru fyri, at kvotan av toski og brosmu í Eysturgrønlandi ikki verður fiskað í ár, og tí kunnu skip í bólki 3 nú søkja um loyvi at fiska tað sum verður eftir av fiski, eftir at seinasta tíðarskeiðið endar 16. september.

Kvotan er avmarkað til skip í bólki 3, eftir kunngerð sum er galdandi fyri fiskiskap í grønlendskum sjógvi í ár, har talan er um botnfisk, rækjur og krabba.

Vørn upplýsir, at í løtuni eru 223 tons av toski og 196 tons av brosmu eftir av kvotuni. Tað má takast við fyrivarni, tí skip fiska av kvotuni til 16. september.

Freistin at søkja um fiskiloyvi er nú hósdagin, 13. september á middegi.

Um fleiri enn seks søkja, so verður avgerðin tikin við lutakasti, um, hvørji skip sleppa til Eysturgrønlands at fiska restina av kvotuni.

Fiskamarknaður Føroya upplýsir á sínari heimasíðu, at trý frystilínuskip eru undir Grønlandi. Tey fiska mest av toski og nakað av brosmu.

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538