Løkke hevði 1,6 milliard við til grønlendingar

11.09.2018 - 10:10
AktueltPolitikkur
Løkke hevði 1,6 milliard við til grønlendingar
Danska stjórnin setur 700 milliónir krónur í tveir flogvøllir í Grønlandi og tryggjar grønlendingum aðrar 900 milliónir krónur í lagaligum lánum.
Lars Løkke Rasmussen og Kim Kielsen undirskriva samstarvsavtalu um flogvallarverkætlan.
Mynd: © Forsætisráðharradeildin  
 
 

Lars Løkke Rasmussen, forsætisráðharri, og Kim Kielsen, landsstýrisformaður, skrivaðu fyri løtu síðani undir samstarvsavtalu um umstríddu flogvallarverkætlanina, sum í gjár kostaði samgonguni í Grønlandi meirlutan í landstinginum.

Danmark fíggjar altjóða flogvøllin

Peningurin skal brúkast til ein altjóða flogvøll í Nuuk og ein flogvøll í Illulisat, og danski staturin fær við avtaluni sindur meira enn triðingin í ogarluti. 

Í Keypmannahavn hevur ætlanin elvt til stúran, tí eitt statsligt kinesiskt felag varð undangóðkent til at bjóða uppá arbeiðið, og í tí sambandinum hevur spurningurin um trygdarviðurskifti verður á skránni í donsku stjórnini. Danska stjórnin vildi ikki hava, at Kina so ella so slapp fram at ognarskapinum til grønlendskar floghavnir. 

- Vit avtaluni tryggja vit, at ognarskapurin til týðandi grønlendska infrakervið verður verðandi á grønlendskum og donskum hondum, segði Lars Løkke Rasmussen millum annað á tíðindifundi í Nuuk í gjár. 

Stjórnarkreppa í Grønlandi

Avtalan hevur elvt til stjórnarkreppu í Grønlandi. Meðan landsstýrisformaðurin og forsætisráðharrin skrivaðu undir hana, var mótmælistiltak uttan fyri, sum flokkurin Partii Nalraq skipaði fyri. 70 fólk vóru við í mótmælistiltakinum.

Partii Nalraq rýmdi úr landsstýrinum í gjár sum mótmæli móti avtaluni við danir.

Boðskapurin hjá teimum mótmælandi snúði seg um kolonistýri, og at Kim Kielsen er einaræðisharri.

Avtalan skal nú samtykkjast bæði í landstinginum og í fólkatinginum.

Nýggjastu sendingar í ÚV
Týsdag 19. februar
Nón - TemaTýsdagur um Iran, 19.02.19
91413
Týsdag 19. februar
Áðrenn Elvis 19. feb. 2019
91411
Týsdag 19. februar
Góðan morgun Føroyar 19. februar 2019
91397
Týsdag 19. februar
LEITISSTEIN 15.02.2019 (Lea Kampmann 1)
91396
Týsdag 19. februar
Morgunlestur týsdagur 19. februar 2019
90856
Nýggjastu sendingar í SV
Mánadag 18. februar
Adam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375