Menningarkvotur latnar

12.09.2018 - 13:19
AktueltVinna
Menningarkvotur latnar
Menningarkvotur verða nú latnar, uttan at spurningurin um hýrurnar er loystur.
 
 

Fram og Tummas T hava fingið loyvi at fiska makrel til Vestmanna fiskivirki, sum fekk menningarkvotur.

Men spurningurin um hýruna hjá fiskimonnunum er ikki loystur.

Fundur var í gjár millum Fiskimálaráðið og Fiskimannafelagið um málið, men málið er ikki loyst.

Í gjár spurdi Fiskimannafelagið Høgna Hoydal, um hann ikki kundi biðja Vørn um seta sum treyt í loyvini, sum skipini fáa at fiska menningarkvotur, at virkini, sum hava rættindini, hava sáttmála við manningarfeløgini.  

Men tað vildi landsstýrismaðurin ikki, sigur Fiskimannafelagið.

Virki, sum hava fingið menningarkvotu, noyðast at leiga sær skip at fiska.

Fiskimannafelagið stúrir tí fyri, at minni verður at býta, tá leigan fyri skipið er goldin.

Virkið er rættindahavi, so minni verður eftir at býta, tá leigan fyri skipið er goldið, stúrir Fiskimannafelagið fyri.

Fiskimannafelagið krevur, at virki og onnur, sum fingu menningarkvotur, hava avtalu við manningarfeløgini eins og reiðararnir skulu sambært lóg um fyrisiting av sjófeingi.

Lógin um fyrisiting av sjófeingi sigur greitt, at fyri at fiska, skal manningin lønast samsvarandi sáttmálum við føroysk manningarfeløg.

Fiskimannafelagið hevur eisini gjørt vart við, at eingin vissa er fyri, at skip, sum hava sáttmálar við manningarfeløgini í Føroyum, fara at fiska menningarkvoturnar.

Nýggjastu sendingar í ÚV
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Mikudag 16. januar
Nón - 16.01.19
90038
Mikudag 16. januar
Góðan morgun Føroyar 160119
90025
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014