Melduródn ger um seg í Filipsoyggjum

Melduródn ger um seg í Filipsoyggjum
Melduródnin Mangkhut, hevur í nátt herjað í norðaraparti av Filipsoyggjum við vindferð upp í 55 m/s og við glopra-regni
Henda myndir er tikin fyri 7 tímum síðani í Tuguegarao í Cagayan
Mynd: ap-tíðindastovan  
 
15.09.2018 - 12:35

AP-tíðindastovan skrivar, at melduródnin er linkað nakað, eftir at hon er komin inn yvir land. 

Mangkhut kom inn yvir landspartin Cagayan í gjárkvøldið okkara tíð. 

Stórur skaði

Tilbúgvingarmyndugleikin á staðnum hevur enn ikki yvirlit yvir skaðarnar, men fráboðanir eru um stórar skaðar, skrivar Reuters-tíðindastovan.

- Nærum allir bygningar hava fingið skaða, og tekjur eru farnar við vindinum, sigur Rogelio Sending, sum er embætismaður fyri stjórnina í landspartahøvuðsstaðnum, Tuguegarao. - Eingin hevur streym, og samskiftisnetverkini rigga heldur ikki, sigur Rogelio Sending.

Túsundtals fólk eru flutt burtur frá bygdum, sum eru framvið strondini, av ótta fyri stormflóð, sum kann gerast fleiri metrar høg,  - svarandi til fjórðu hædd í einum húsum, verður sagt.

Fleiri um árið

Einar 20 melduródnir raka í miðal Filipsoyggjar um árið. Ringasta seinastu árini var Haiyan-melduródnin í 2013, sum gjørdi um seg í mið-Filipsoyggjum. Tá doyðu meira enn 7.350 fólk. 

Hesaferð hevur oyggjalandið fyrireikað seg betri, upplýsa myndugleikarnir fyri Reuters. 
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585