Svøríkisdemokratar vilja hava nakað afturfyri

15.09.2018 - 17:15
AktueltPolitikkur
Svøríkisdemokratar vilja hava nakað afturfyri
Svøríkisdemokratarnir seta krøv, tá tað snýr seg um uppskot til, hvønn flokkurin kann stuðla sum forsætisráðharri og stjórn
Mynd: © SVT2  
 

Mattias Karlsson, formaðurin fyri tingbólkin hjá Svøríkisdemokratunum, sigur í samrøðu við svenska kringvarpið, at Svøríkisdemokratarnir, SD, fara at seta krøv, tá tað snýr seg um uppskot til hvønn flokkurin kann stuðla sum forsætisráðharr og stjórn. 

Viðvíkjandi formanssessinum í Ríkisdegnum, so dugur hann ikki at siga, um flokkurin fer at koma við egnum uppskoti til tann sessin.

-Tað týdningarmesta er at fáa eina loysn, sum heldur í longdini, sigur hann um formanssessin.

Spurdur, um SD á nakran hátt fer at stuðla Stefan Løfven í at halda fram sum forsætisráðharri, svarar Karlsson, at tann, sum vil hava stuðul frá SD at gerast forsætisráðharri og fáa stuðul til fíggjarlógina, má lata flokkinum og SD-veljarunum okkurt afturfyri. 

- Vit mugu fáa okkurt frá okkara fýra fokus-økjum, sigur Mattias Karlsson. 

Tey snúgva seg um strangari tilflytarapolitikk, styttri bíðitíð til røktarpláss, fleiri átøk skulu setast í verk til tess at berja niður kriminalitet og fátækir fólkapensjónistar skulu fáa betri kor.

Mattias Karlsson sigur í samrøðuni, at SD vil hava Jimmy Åkesson til forsætisráðharra, men annars er málið at fáa flokkin í bestu støðu til at stýra, - um tað so er í minnilutastjórn saman við Moderatunum ella saman við Moderatunum og Kristiligu demokratunum. Flokkurin er eisini tilreiðar til nýval, tí flokkurin hevði fingið framgongd um tað var støðan, sigur Mattias Karlsson, formaður fyri tingbólkin hjá Svøríkisdemokratunum við SVT.

 
Nýggjastu sendingar í ÚV
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Mikudag 24. apríl
Góðan morgun Føroyar 24. apríl 2019
93797
Nýggjastu sendingar í SV
Hósdag 25. apríl
Fyrsta FM finalan KYNDIL - VÍF, kvinnur
93821
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477