Hagtøl: Púra javnt millum KÍ og HB í Klaksvík

Hagtøl: Púra javnt millum KÍ og HB í Klaksvík
Um hugt verður í hagtølini, er ringt at meta um, hvør fer at vinna dystin millum KÍ og HB í Klaksvík
 
18.09.2018 - 12:32

Sunnudagin kann HB blíva føroyameistari, um teir vinna ella spæla javnleik ímóti KÍ í Klaksvík.

Men tað er ringt at meta um, hvør er søguligur favorittur, um ein hyggur í hagtølini.

Við góðari hjálp frá faroesoccer.com, hava vit hugt at úrslitunum í teimum síðstu tíggju uppgerðunum í Klaksvík.

Úrslitini vísa, at KÍ hevur vunnið fýra dystir, HB hevur vunnið fýra dystir og tveir eru endaðir við javnleiki.

Tó er KÍ eitt vet frammanfyri í innanhýsis uppgerðunum milum KÍ og HB í Klaksvík undir venjaranum, Mikkjal Thomassen, sum kom til felagið í 2015.

Í teimum seks uppgerðunum hevur KÍ vunnið tríggjar dystir, HB hevur vunnið tveir og ein dystur er endaður við javnleiki.

Tað er eisini vert at leggja tilmerkis, at í fýra teimum síðstu uppgerðunum er bara eitt ella einki mál skorað.

Síðstu tíggju dystirnir millum KÍ og HB í Klaksvík

10.08.2018 KÍ-HB 0-1
24.09.2017 KÍ-HB 0-0
21.05.2017 KÍ-HB 1-0
16.05.2016 KÍ-HB 1-0
07.08.2015 KÍ-HB 2-0
15.03.2015 KÍ-HB 0-2
14.09.2014 KÍ-HB 1-0
25.05.2014 KÍ-HB 1-2
18.08.2013 KÍ-HB 3-3
25.04.2013 KÍ-HB 3-4

Dysturin millum KÍ og HB verður spældur við Djúpumýru sunnudagin klokkan 15.00.

Útvarpið sigur beinleiðis frá dystinum.

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652