Nógvir bóltar í luftini í dag

23.09.2018 - 09:53
Ítróttur
Nógvir bóltar í luftini í dag
Nógvur hondbóltur og fótbóltur er á skránni, og millum annað kann føroyameistaraheitið í fótbólti hjá monnum verða avgjørt
Nógvur fótbóltur og hondbóltur er kring landið í dag
Mynd: © Savnsmynd  
 

Fleiri hondbólts- og fótbóltsdystir verða spældir kring landið í dag. 

Á Skála spæla bæði kvinnu- og mansliðið hjá Stíf. Fyrst tekur kvinnuliðið í móti Stjørnuni úr Klaksvík, og síðani spæla menninir í móti KÍF. Í Vestmanna spæla kvinnuliðini hjá VÍF og Kyndli. 

VÍF og H71 vunnu

Tveir hondbóltsdystir vórðu eisini spældir í gjárkvøldið, tá Team Klaksvík tók í móti VÍF í Klaksvík, og kvinnuliðið hjá H71 tók í móti Neistanum.

VÍF vann dystin í Klaksvík 33-23, meðan H71 kvinnurnar vunnu sín dyst 28-24. 

Meistaraheitið kann verða avgjørt

Føroyameistaraheitið í fótbólti hjá  monnum kann verða avgjørt í dag, tá KÍ tekur í móti HB í Klaksvík.

Við einum javnleiki kann HB tryggja sær føroyameistaraheitið, hóast fýra umfør eru eftir í kappingini. 

Hinir dystirnir í landskappingini í fótbólti í dag eru:

Víkingur - Skála
AB - 07 Vestur
Suðringar - NSÍ
B36 - EB/Streymur. 

Tveir dystir í bestu kvinnudeildini verða eisini spældir í dag.

Grannauppgerð verður í Gundadali millum B36 og HB, og á Toftum tekur B68 í móti KÍ. 

Kringvarpið sigur frá fótbóltsdystinum millum KÍ og HB í Klaksvík í sendingini, Bólturin, sum byrjar eftir tíðindini kl. 14.


 

 
Nýggjastu sendingar í ÚV
Fríggjadag 24. januar
Morgunlesturin fríggjamorgunin 24. januar 2020
103001
Hósdag 23. januar
Breddin
103802
Hósdag 23. januar
Nón 23. januar 2020
103798
Hósdag 23. januar
Tríggir popparar hittast (3:3)
103794
Nýggjastu sendingar í SV
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557