Tunnilsavgerðin fellur í morgin

23.09.2018 - 14:30
AktueltPolitikkur
Tunnilsavgerðin fellur í morgin
Tað er ógreitt, hvussu politiska ósemjan um Dalstunnilin og Fámjinstunnilin verður loyst, men tað kann hugsast, at ein loysn verður funnin í morgin
 

Enn er ógreitt, hvussu politiska ósemjan um Dalstunnilin og Fámjinstunnilin verður loyst. Men landsstýrisfundur verður fyrrapartin í morgin, tá kann verða, at ein loysn verður funnin.

Henrik Old, landsstýrismaður í samferðslumálum, sigur við útvarpið, at hann ikki hevur givið Landsverki boð um, at Dalstunnilin skal borast fyrst. Og hann vil ikki siga, um hann yvirhøvur FER at geva tey boðini.

Landsstýrismaðurin ætlaði, at Fámjinstunnilin skuldi borast fyrst, og Landsverk hevur gjørt klárt til ta boringina. Men seinast í vikuni komu kontraboð frá løgmanni og samgonguni, at tunnilin til Dals skal raðfestast fyrst.

Men av tí at tað er Henrik Old, sum eigur málsøkið, kann løgmaður ikki uttan nakað geva Landsverki boð um at broyta ætlanirnar. 

Dalstunnil meiri átrokandi

Ein frágreiðing, sum Landsverk herfyri gjørdi um tunlarnar til Dals og Fámjins, sigur, at ein tunnil til Dals er munandi meira átrokandi enn ein tunnil til Fámjins. 

Henrik Old, sum er landsstýrismaður í tunnilsmálum, hevur annars tvíhildið um, at tunnilstoymið hjá landinum skal bora Fámjinstunnilin fyrst. 

Flyta málsøkið

Spurningurin er so, hvussu ósemjan millum landsstýrismannin og løgmann verður loyst. Løgmaður kann geva Henrik Old boð um at broyta boðini til Landsverk. Noktar landssýrismaðurin at gera tað, so hevur løgmaður møguleika at taka málsøkið frá landsstýrismanninum og umsita tað sjálvur. 

Men enn er ógreitt, hvussu høvuðspersónarnir ætla at loysa tann spurningin.

Regluligur landsstýrisfundur er í morgin klokkan 9. Sum skilst stendur málið um tunlarnar ikki á skrá sum sjálvstøðugt mál, men tað er rættiliga sannlíkt, at landsstýrið fer at viðgera ósemjuna millum løgmann og landsstýrismannin í samferðslumálum.

 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618