Týskland EM vertur í 2024

27.09.2018 - 18:11
ÍtrótturFótbóltur
Týskland EM vertur í 2024
Týskland verður vertur fyri EM í fótbólti í 2024. Tað avdúkaði Evropeiska fótbóltssamgongan, UEFA seinnapartin
Fyrrverandi liðskiparin á týska landsliðnum Philipp Lahm, hevur verið oddamaður fyri týska boðið
 

Turkaland vildi eisini vera vertur, men Týskland er altso valt fram um, skrivar Ritzau.

- Talan er um tvær stórar fótbóltstjóðir, men vit kunnu tíverri bert velja ta einu, segði Aleksander Ceferin, forseti í UEFA, tá hann lat brævbjálvan við navninum á komandi vertinum upp.

Turkaland hevur ongantíð áður verði vertur fyri eina so stóra fótbóltskapping. Týskland hinvegin var vertur fyri heimsmeistaraskapið í fótbólti í 2006, og Vesturtýskland var vertur fyri EM í 1988.

Betri undirstøðukervi

Ein fyrimunur hjá Týsklandi í kappingini um at gerast vertur, er helst møguleikarnir fyri at húsa áskoðarum. 

Týskland kann húsa 2,78 milliónum undir teimum 51 dystunum, Turkaland hevur pláss fyri 290.000 færri skrivar dr.dk

Harafturat hevur Týskland betri undirstøðukervi, eins og nógvu atfinningarnar av Turkalandi fyri brot á mannarættindi og talifrælsi kunnu hava havt týdning fyri avgerðina.

Evropameistaraskapið í 2020 verður í 12 ymiskum evropeiskum stórbýum - eitt nú í Keypmannahavn, men tað verður neyvan í 2024, tí tað hevur verið sera avbjóðandi at umsita, veit tíðindastovan AFP at siga. 

 
Nýggjastu sendingar í ÚV
Fríggjadag 24. januar
Pressan: Betri miðlar - fleiri lýsingar
103834
Fríggjadag 24. januar
Morgunlesturin fríggjamorgunin 24. januar 2020
103001
Hósdag 23. januar
Breddin
103802
Hósdag 23. januar
Nón 23. januar 2020
103798
Nýggjastu sendingar í SV
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557