Elbilar avgjaldsfríir í tvey ár afturat

30.09.2018 - 11:24
AktueltSamfelag
Elbilar avgjaldsfríir í tvey ár afturat
Tey, sum keypa el- ella vetnisbil, skulu fáa MVG afturgoldið í 2019 og 2020, stendur í nýggjum uppskotið frá Kristinu Háfoss.
 

Tey, sum keypa el- ella vetnisbil, skulu fáa MVG afturgoldið í 2019 og 2020. Tað sigur landsstýriskvinnan í fíggjarmálum, Kristina Háfoss, sum fríggjadagin legði uppskot fyri tingið um avgjaldsfríar el- og vetnisbilar. 

Tað hevur síðan 2017 verið møguligt hjá teimum, ið keypa sær ein el- ella vetnisbil, at fáa meirvirðisgjaldið afturgoldið. Afturgjaldið kann tó í mesta lagi verða 70.000 kr. 

Í dag er ein ávísur kostnaðarmunur millum bilar, ið nýta meira dálkandi orkukeldur, í mun til el- ella vetnisbil. Men kostnaðurin av, at ogna sær el- ella vetnisbil er lækkandi, og væntandi verður ikki tørvur á stuðulsskipan eftir 2020.

El-bilar eru frítiknir frá skrásetingargjaldi, og teir rinda heldur ikki veg- og umhvørvisgjald. Ætlanin við uppskotinum er, at hesir fyrimunir skulu halda fram komandi tvey árini.

Skipanin við afturgjaldi var annars sett til at fara úr gildi 1. januar 2019, men við uppskotinum verður mælt til at halda fram við skipanini 2 ár afturat. 

Fyri at fáa endurgoldið meirvirðisgjaldið skal motorakfarið vera skrásett áðrenn 1. januar 2019. 

Tað eru í dag 66 elbilar skrásettir, 64 persónbilar og 2 vørubilar í Føroyum.


 

 
Nýggjastu sendingar í ÚV
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Týsdag 15. oktober
Breddin
99910
Týsdag 15. oktober
Nón 15.10.19 - tematýsdagur um vinaløg
99906
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695