Taptu við tveimum málum

07.10.2018 - 14:26
ÍtrótturHondbóltur
Taptu við tveimum málum
Finnland vann eisini seinna venjingardystin ímóti Føroyum
 

Manslandsliðið í hondbólti tapti eisini seinna dystin ímóti Finnlandi. Úrslitið bleiv 27-25 til vertirnar.

Tað gekk javnt á í fyrra hálvleiki, har liðini fylgdust mál um mál. Í løtum vóru Føroyar á odda við einum máli og í løtum Finnland.

Síðstu 10 minuttirnar øktist munurin. Føroyar brendu nakrar upplagdar møguleikar og fingu eina útvísing. Finnland var á odda 15-12 í hálvleikinum.

Í seinna hálvleiki fór Finnland undan Føroyum á máltalvuni, men tað eydnaðist tó móti endanum at minka munin niður í tvey mál.

Føroyski landsliðsvenjarin, Sonni Larsen, heldur seg tó hava fingið nógv burturúr

– Vit eru ónøgdir við úrslitið, men vit hava fingið nógv burtur úr túrinum, sum vit kunnu gangnýta til fyrireikingarnar móti Montenegro og Danmark seinni í mánaðinum, sigur Sonni Larsen við hsf.fo

Toppskjútti fyri Føroyar bleiv Peter Krogh við sjey málum.

Finnland og Føroyar spældu eisini venjingardyst í gjár. Tá vann Finnland 29-24.

Føroyar spæla EM-undankappingardyst móti Montenegro 24.oktober.

27.oktober er aftur EM-undankappingardystur, tá er Danmark mótstøðuliðið.

 

Sí eisini

Nýggjastu sendingar í ÚV
Mikudag 21. august
Minibarrin 21. august
97838
Mikudag 21. august
Hin nýggi Bør Børson (31:35)
91764
Týsdag 20. august
Tingið: Tjóðveldi
97845
Nýggjastu sendingar í SV
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701