Leigubilalógin galdandi frá september

09.10.2018 - 10:02
AktueltSamfelag
Leigubilalógin galdandi frá september
Hóast lógin ikki kemur í gildi fyrr enn dagin eftir, at hon er kunngjørd, virkar hon kortini frá framløgudegnum at rokna.
 
 

Framløgudagurin av lógini um sølu av leigubilum var 28. september. 

Lógin er tó hvørki samtykt ella komin í gildi enn. Uppskotið er í Fíggjarnevndini í løtuni.

Talan er um eitt uppskot um at broyta lógina um meirvirðisgjald, so bilasølur skulu gjalda meirvirðisgjald fyri seldar bilar, sum upprunaliga eru skrásettir sum leigubilar.

Bilar, sum eru skrásettir sum leigubilar, kunnu í dag seljast eftir nakrar mánaðir uttan at rinda meirvirðisgjald.

Ein av orsøkunum til uppskotið er, at ábendingar eru um, at bilar verða skrásettir sum leigubilar, men ikki eru leigubilar, sigur Kristina Háfoss, landsstýriskvinna, sum eigur lógaruppskotið.

Bilasølur kunnu keypa bilar og síðani leiga teir bilútleigarum. 

Seinni kunnu hesir bilar so seljast bíliga, tað er uttan meirvirðisgjald, tá teir eru til dømis eru hálvt ár.

Av tí at ivi er um, nær lógin er galdandi, hevur Kristina Háfoss boðað Fíggjarnevndini frá, at lógin er galdandi frá framløgudegnum, sum var 28. september.

Bilar, sum eru skrásettir sum leigubilar fyri tann dag, sum er 28.september, kunnu tí seljast uttan meirvirðisgjald eftir galdandi lóg.

Landsstýrið væntar at fáa 20 milliónir krónur meira í meirvirðisgjaldi, verður lógin broytt.

Nýggjastu sendingar í ÚV
Týsdag 19. februar
Nón - TemaTýsdagur um Iran, 19.02.19
91413
Týsdag 19. februar
Áðrenn Elvis 19. feb. 2019
91411
Týsdag 19. februar
Góðan morgun Føroyar 19. februar 2019
91397
Týsdag 19. februar
LEITISSTEIN 15.02.2019 (Lea Kampmann 1)
91396
Týsdag 19. februar
Morgunlestur týsdagur 19. februar 2019
90856
Nýggjastu sendingar í SV
Mánadag 18. februar
Adam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375