Puigdemont til Føroya

09.10.2018 - 12:57
AktueltSamfelag
Puigdemont til Føroya
Carles Puigdemont til kemur til Føroya fríggjadagin. Tað boðar fólkatingslimurin, Magni Arge, frá.
 

Fyrrverandi forsetin í Katalonia fer at umboða Katalonia á ráðstevnu um tjóðskaparligan sjálvsavgerðarrætt, sum Tjóðveldi skipar fyri fríggjadagin.

Umframt Puigdemont koma Kenneth Gibson, tingmaður i skotska tjóðskaparflokkinum SNP, og leiðarin fyri fullveldisrørsluna í Ný Kaledonia, Daniel Goa, á somu ráðstevnu, sum verður í Norðurlandahúsinum í Havn fríggjadagin.

Carles Puigdemont vitjaði í Danmark í januar, tí lærdi háskúlin í Keypmannahavn hevði boðið honum á kjakfund. 

Tá nýtti fólkatingslimurin Magni Arge høvið at bjóða Puigdemont í Fólkatingið - og Puigdemont tók av. 

Magni Arge segði tá, tann 20. januar, at spurningurin um sjálvsavgerðarrætt er nakað, sum Føroyar og Katalonia hava í felag.

Nú hevur fyrrverandi forsetin í Katalonia tikið av innbjóðing um at koma til Føroya fríggjadagin.

 
Nýggjastu sendingar í ÚV
Leygardag 11. juli
Føroyingar álopnir úr luftini
111275
Fríggjadag 10. juli
Góðan morgun Føroyar 10.07.2020
111236
Fríggjadag 10. juli
Morgunlesturin fríggjamorgunin 10. juli 2020
110792
Nýggjastu sendingar í SV
Leygardag 11. juli
Video: 8mf, Fjarðastevna 2020
111281
Leygardag 11. juli
Video: 6mf menn, Fjarðastevna 2020
111280
Leygardag 11. juli
Video: 6mf kvinnur, Fjarðastevna 2020
111277