- Tíðindi, mentan og ítróttur
Fýra prosent av arbeiðsmegini eru útlendingar
Hagstova Føroya hevur víðkað løntakarahagtølini við talvum um føðiland og ríkisborgaraskap. Útlendingar eru her lýstir sum persónar við øðrum enn donskum ríkisborgararskapi, sum hava skrásettan bústað í Føroyum.
Í juli vóru umleið 4 prosent av øllum løntakarum í Føroyum útlendskir løntakarar.
Av útlendsku løntakarunum er størsti vøksturin hesi seinastu árini serliga ES ríkisborgarar, sum ikki eru úr einum norðurlandi.
Í juli 2014 vóru hesir ríkisborgarar 0,7% av samlaða løntakaratalinum, meðan teir í juli í ár vóru 1,5%.
Í sama tíðarskeiði eru ríkisborgarar uttan fyri Evropa farnir úr 1,0% upp í 1,6% (430 løntakarar).
Lutfalsliga eru flestu útlendsku løntakararnir at finna í húsarhaldstænastum, so sum reingerð, ruskinnsavnan og annað Her eru tey 14,5 prosent
Í fiskavøruídnaði eru tey 12,4 prosent, og gistihús- og matstovuvirkisvinnuni eru tey 11,7 av arbeiðsmegini.