Ein frammaná á heimavølli

11.10.2018 - 20:17
ÍtrótturFótbóltur
Ein frammaná á heimavølli
Føroyar taptu greitt 0-3 fyri Aserbadjan í Nations League dystinum á Tórsvølli. Eitt stórt vónbrot
Føroyska vónbrotið var sera stórt eftir 0-3 tapið fyri Aserbadjan á Tórsvølli hóskvøldið
 

Føroyar fingu ein frammaná á Tórsvølli í triðja Nations League dystinum í móti Aserbadjan.

Upp undir dystin varð sagt, at hetta var ein dystur, sum skuldi vinnast, men líka løgdu gestirnir í. Tí teir fóru avstað aftur við trimum stigum og trimum málum í móti ongum. Og harvið legði føroyska liðið rygg til stórtap á heimavølli í hesi kappingini. 

Vónbrot

Atli Gregersen, helt fyri eftir dystin, at tað føldist ikki sum eitt stórtap, tí hann helt, at liðið skapti tað, sum liðið skuldi skapa.

- Vit fáa bara ikki bóltin inn, samstundis sum vit eru ikki nóg konsekventir harafturi. Men eg havi eina betri kenslu nú enn eftir dystin í Kosovo, sjálvt um vit tapa við trimum, segði føroyski liðskiparin.

Hjálparvenjarin, Jóannes Jakobsen, hevði eisini blandaðar kenslur eftir dystin. 

- Eg skal ikki burturforklára nakað, men hetta følist ikki sum eitt 3-0 tap. Hinvegin vit hava fingið bank, og tað mugu vit bara góðtaka, segði Jóannes Jakobsen sjónliga vónbrotin.

Lars Olsen, venjari, ásannaði, at fleiri býtt mistøk vórðu gjørd í dystinum, og tað kostaði mál. Og at tað er sera trupult hjá Føroyum nú. 

- Dysturin sunnudagin verður eisini trupul, tí eg meti Kosovo vera eitt betri lið enn Aserbadjan, men vit skulu kortini royna at vinna tann dystin, og so mugu vit síggja, hvussu langt tað røkkur, segði landsliðsvenjarin.

Nógvar møguleikar

Føroyska liðið vassaði í møguleikum og hevði eisini bóltin meira, men kortini eydnaðist ikki at fáa mál.

Heldur vóru tað gestirnir, ið dugdu at fáa mál burtur úr sínum møguleikum og endaðu við at vinna 0-3. Richard Almeida skeyt fyrsta og triðja málið, meðan Dimitri Nazarov skeyt annað málið. Málið til 0-3 var brotsspark.

- Tá hugsað verður um tal av møguleikum, var vónin um at koma innaftur í dystin eftir steðgin, avgjørt tilstaðar, men ístaðin verða vit avbukaðir, segði André Olsen, viðmerkjari í sjónvarpsstovuni.

Føroyska liðið hevði fleiri royndir seinastu løtuna, men hepnið var ei heldur við spælarunum. Millum annað fór ein bóltur á tvørtræið, og málverjin hjá Aserbadjan hevði eisini eina stórbjarging. 

Føroyar eru nú á triðja plássi í sínum bólki í Nations League kappingini. 

 

Sí eisini

20.11.18
87990
20.11.18
87944
Nýggjastu sendingar í ÚV
Mikudag 17. juli
Minibarrin 17. juli 2017
96866
Týsdag 16. juli
Summartímin týsdagin 16. juli
96833
Týsdag 16. juli
Minibarrin 16. juli 2019
96821
Nýggjastu sendingar í SV
Leygardag 13. juli
Video: 5mf kvinnur, vestanstevna 2019
96751
Leygardag 13. juli
Video: 10mf, vestanstevna 2019
96750
Leygardag 13. juli
Video: 8mf, vestanstevna 2019
96749
Leygardag 13. juli
Video: 5mf gentur, vestanstevna 2019
96747