Danmark vil vera vertur fyri HM-endaspælið í 2025

13.10.2018 - 16:41
ÍtrótturHondbóltur
Danmark vil vera vertur fyri HM-endaspælið í 2025
Danmark, Norra og Sveits vilja saman húsa VM-endaspælinum í hondbólti, tá tað skal avgreiðast í 2025.
 

Danmark, Norra og Sveits hava saman givið felags uppskot um at gerast vertir fyri HM-endaspæli í manshondbólti í 2025.  

Tað skrivar altjóða hondbóltssambandið á heimasíðuni

Danmark skal frammanundan vera vertur, tá HM-endaspælið í hondbólti fer av bakkastokki í januar komandi ár. Tá skal HM-endaspælið avgreiðast í Danmark og í Týsklandi.

Sambært aðalskrivaranum í danska hondbóltssambandinum, Morten Stig Christensen, er tað ikki av tilvild, at tað eru Sveits og Danmark, sum saman hava givið boð um at gerast vertir. 

- Vit vilja gjarna læra frá teimum. Tey eru fyrikomandi, og so er tað ein hondbóltstjóð, sum er á veg fram, sigur hann. 

- Tá tú hevur tríggjar vertir, so hevur tú eisini tríggjar heimavøllir, og sostatt eru líkindi fyri at fáa enn fleiri áskoðarar í hallirnar, sigur aðalskrivarin í danska hondbóltssambandinum við TV 2 Sport. 

Altjóða hondbóltssambandið, IHF, viðger umsóknirnar, tá VM-endaspælið verður í januar í Herning í Danmark. 

Umframt Danmark/Norra/Sveits hava Kroatia og Serbia eisini søkt um at gerast vertur fyri HM-endaspælið í 2025.

 
Nýggjastu sendingar í ÚV
Týsdag 25. juni
Morgunlestur týsdagur 25. juni 2019
95938
Mánadag 24. juni
Norðurljóð 24. juni 2019
95985
Mánadag 24. juni
Við seyði í fjallahagan (2:4)
95974
Mánadag 24. juni
TB fór við øllum á jóansøku
95971
Nýggjastu sendingar í SV
Mánadag 24. juni
3-2
95997
Sunnudag 23. juni
Andakt við Ara Langgaard
95929
Sunnudag 23. juni
Guðstænasta í Fámjins kirkju
95931
Leygardag 22. juni
Video: 10mf, jóansøka 2019
95919
Leygardag 22. juni
Video: 5mf kvinnur, jóansøka 2019
95918