Frans pávi fordømir tveir kilenskar prestar

13.10.2018 - 15:45
AktueltÚtheimurin
Frans pávi fordømir tveir kilenskar prestar
Frans pávi hevur dømt tveir kilenskar prestar frá kjóla og kraga, eftir teir eru lagdir undir at hava framt kynsligan ágang móti børnum.
 
 

Francisco José Cox Huneeus, erkibiskupur, og Marco Antonio Órdene Fernández, erkibiskupur, eru báðir dømdir úr kjóla og kraga av Frans páva.

Vatikanið boðaði frá hesum, eftir at pávin og forsetin í Kili høvdu fundast leyardagin. Fundurin var liður í ætlanunum at basa kynsligum ágangi móti børnum í Kili.

Pávin tók avgerðina hósdagin 11. oktober, og avgerðin er endalig og kann ikki broytast, stendur í fráboðanini.

Meira enn 100 prestar í Kili eru lagdir undir at hava framt kynsligan ágang móti børnum, og allar ákærur verða kannaðar. Tað skrivar bretska kringvarpið

Mongu skuldsetingar ávirka katólsku kirkjuna. Í september kom ein kirkjufrágreiðing undan kavi, sum avdúkaði at 3.600 børn í Týsklandi vóru misbrúkt av katólskum prestum millum 1946 og 2014. 

Og í juli varð ein australskur biskuppur dømdur sekur fyri at hava vart kynsligan ágang móti børnum.

Í august skrivaði Frans pávi eini boð til allar heimsins katolikkar, har hann fordømdi barnamisnýtslu. Hann segði seg skammast av, at katólska kirkjan ikki hevur verið før fyri at gera upp við teir prestar, sum hava framt ótespilig siðabrotsverk.

Nýggjastu sendingar í ÚV
Fríggjadag 14. desember
Síðsta Skríggj 14.desember 2018
88960
Fríggjadag 14. desember
Góðan morgun Føroyar 141218
88950
Fríggjadag 14. desember
Góðan morgun Føroyar 131218
88930
Fríggjadag 14. desember
Morgunlestur fríggjadagur 14. desember 2018
88454
Nýggjastu sendingar í SV
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893
Mikudag 12. desember
Úr savninum: Gullnám í 60 ár 5:5
88842
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713