Henry venjari hjá AS Monaco

13.10.2018 - 10:52
ÍtrótturFótbóltur
Henry venjari hjá AS Monaco
Leygardagin varð tað almannakunngjørt, at fyrrverandi fótbóltsleikarin, Thierry Henry, verður høvuðsvenjari hjá AS Monaco.
 

Fyrrverandi franska landsliðshetjan, Thierry Henry, hevur skrivað undir sáttmála um at verða høvuðsvenjari hjá AS Monaco. 

41 ára gamli Henry hevur seinastu tíðina verið hjálparvenjari hjá belgiska landsliðnum, men frameftir verður Henry at síggja sum venjari hjá AS Monaco. Sáttmálin er galdandi til og við summarið 2021, skrivar AS Monaco á heimasíðuni. 

Henry tekur við nýggja starvinum longu mánadagin. 

- Eg gleði meg at hitta leikararnar og byrja arbeiðið, sigur Henry við heimasíðuna hjá AS Monaco.

Fyrrverandi høvuðsvenjarin hjá AS Monaco, Leonardo Jardim, varð koyrdur fyrr í vikuni eftir fleiri keðilig úrslit.

AS Monaco liggur í løtuni nummar 18 í Ligue 1, sum er besta fótbóltsdeildin í Frankaríki. 

Henry leikti í Monaco frá 1993 til 1999. Hann skoraði 28 mál í 141 dystum. 

 

 
Nýggjastu sendingar í ÚV
Mánadag 23. november
Nón - 23. november 2020
116658
Mánadag 23. november
Norðurljóð 23.november 2020
116649
Mánadag 23. november
Áðrenn Elvis - Elektriskur bluesur
116654
Nýggjastu sendingar í SV
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617
Sunnudag 22. november
Guðstænasta úr Havnar kirkju
116616