Lars Olsen ger broytingar

13.10.2018 - 17:13
ÍtrótturFótbóltur
Lars Olsen ger broytingar
Lars Olsen fer at broyta spælskipan til dystin ímóti Kosovo
 

Hóskvøldið taptu Føroyar 0-3 fyri Aserbadjan, og nógv bendir á, at landsliðsvenjarin, Lars Olsen, tekur avleiðingarnar av tí.

Føroyska liðið vandi á Tórsvølli seinnapartin í dag, og har fekst ábending um, hvussu spælskipanin fer at síggja út ímóti Kosovo.

Hesaferð fara Føroyar spæla við trimum miðverjum. Teir eru Atli Gregersen, Odmar Færø og Sonni Ragnar Nattestad.

Høgri vongverji verður Gilli Sørensen, og í vinstru síðu spælir Viljormur Davidsen.

Tveir spælarar vera á sentrala miðvøllinum. Teir eru Rógvi Baldvinsson og Hallur Hansson.

Rógvi Baldvinsson verður helst í meira verjukendari útgávu.

Nakað frammanfyri teir spæla René Shaki Joensen og Brandur H. Olsen.

Jóan Símun Edmundsson, sum byrjaði á høgra vongi ímóti Aserbadjan, verður fluttur fram aftur í álopið.

Lars Olsen, landsliðsvenjari, sigur við Kringvarpið, at tankin handan uppstillingina er, at Kosovo skal ikki skora á Tórsvølli í annaðkvøld.

Eydnast tað, skulu Føroyar bara skora eitt mál fyri at vinna dystin.

Føroyar-Kosovo beinleiðis í sjónvarpi og útvarpi

Dysturin millum Føroyar og Kosovo byrjar sunnudagin klokkan 17.00.

Útvarpið sendir frá klokkan 16.00, og sjónvarpið sendir frá klokkan 16.40

 
Nýggjastu sendingar í ÚV
Sunnudag 5. juli
Guðstænasta í Fuglafjarða kirkju
111013
Leygardag 4. juli
Føroyingar álopnir úr luftini
111008
Leygardag 4. juli
Uppvakstrarár á Merseyside
110895
Leygardag 4. juli
Kjakaríið: Heri, Herborg og Hans Jacob
111004
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743