Ódnin Michael kravt 17 mannalív

13.10.2018 - 11:41
AktueltÚtheimurin
Ódnin Michael kravt 17 mannalív
Ódnin Michael hevur kravt í minsta lagi 17 mannalív, og myndugleikarnir óttast, at talið fer at hækka.
Strandarbýurin Mexico Beach í Florida er lagdur oyði, eftir at ódnin Michael hevur herjað seinastu dagarnar.
Mynd: © CNN  
 

Ódnin Michael hevur kravt í minsta lagi 17 mannalív, og myndugleikarnir óttast, at talið fer at hækka, eftir at ein av ógvusligastu ódnunum í amerikanskari søgu hevur herjað seinastu dagarnar. 

Tað skrivar TV 2.

Tað var hóskvøldið, at ódnin rakti statin Florida. Ódnin helt á fram inn í landi, áðrenn hon viknaði. 

Umboð fyri FEMA, sum er almenni vanlukkustovnurin, sigur seg vænta, at talið av deyðum fer at hækka, so hvørt sum bjargingar- og ruddingararbeiði fer fram.

Loftmyndir vísa, at eitt nú strandarbýurin Mexico Beach við túsind íbúgvum er lagdur oyði. Flestu teirra vóru rýmd undan ódnini, men slakir 300 íbúgvar valdu at vera verðandi. Tað er ilt at siga, um hesi eru á lívi ella ikki, tí bjargingarlið eru enn ikki komin til tey øki, sum vórðu harðast rakt av ódnini, skrivar danska kringvarpið.

Vindmátingar vístu hvirlur upp í 58 metrar um sekundi, tað vil siga góðar 210 kilometrar um tímar.

Meira enn ein millión hús í sjey statum eru uttan streym í løtuni, og telefonsignalið riggar framvegis ikki. 

 
Nýggjastu sendingar í ÚV
Mikudag 22. mai
Góðan morgun Føroyar 22. mai 2019
94751
Mikudag 22. mai
Morgunlestur mikudagur 22. mai 2019
94654
Týsdag 21. mai
Áðrenn Elvis: Synd 1
94755
Týsdag 21. mai
Góðan morgun Føroyar 21. mai 2019
94712
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619