Saudiarabiskur journalistur horvin

13.10.2018 - 15:22
AktueltÚtheimurin
Saudiarabiskur journalistur horvin
Jamal Khashoggi var seinast sæddur, tá hann fór inn á sendistovuna hjá Saudiarabia í Turkalandi tann 2. oktober.
Mótmælisfólk uttanfyri saudiarabisku sendistovuna í Washington. Ein teirra skal ímyndast at vera saudiarabiski krúnprinsurin við blóð á hendrunum.
Mynd: © Jim Watson / Ritzau Scanpix  
 

Ein búskaparligur toppfundur, sum skuldi vera í Saudiarabia frá 23. til 25. oktober verður, um illa vil til, av ongum - og í øllum førum verður ikki talan um tann toppfundin, tað skuldi vera.

Orsøkin er møguliga drápið av einum journalisti. Jamal Khashoggi, sum journalisturin eitur, er seinast sæddur, tá hann fór inn á sendistovuna hjá Saudiarabia í Turkalandi. Tað var 2. oktober.

Turkisku myndugleikarnir ákæra Saudiarabia fyri at hava myrt journalistin. Saudiarabia sigur, at journalisturin var á lívi, tá hann fór av sendistovuni.

Tó siga bæði Washington Post og CNN, at turkiskar og amerikanska fregnarkeldur hava fingið fatur á bæði myndum og ljóði, sum skjalfesta drápið.

Hetta málið hevur fingið mikla altjóða umrøðu. Eitt nú hevur franski forsetin Emmanuel Macron heitt á Saudiarabia um at hjálpa til við at greiða málið.

Og nú er líkt til, at málið eisini fer at merkja ætlaða búskapartoppfundin í Saudi Arabia. 

Forsetin í Heimsbankanum hevur boðað frá, at hann ikki verður við á fundinum. Tað sama hava stórir miðlar sum New York Times, CNN og Bloomberg.

Umframt hesar miðlarnar hava umboð fyri stórar altjóða fyritøkur givið avboð. 

Khashoggi skrivaði fyri eitt nú Washington Post, og amerikanski forsetin, Donald Trump, sigur, at hann fer at gera sítt til, at málið verður uppklárað.

Somuleiðis sigur Trump, at revsingin verður hørð, um tað vísir seg, at Kashoggi varð myrdur.

 
Nýggjastu sendingar í ÚV
Fríggjadag 23. august
Tingið: Framtakið
97967
Fríggjadag 23. august
Summartímin hósdagin 22. august
97964
Fríggjadag 23. august
Stakkafestivalur í Sørvági í dag
97961
Fríggjadag 23. august
Morgunlesturin friggjamorgunin 23. august 2019
96279
Nýggjastu sendingar í SV
Hósdag 22. august
Andglettur - Framsókn
97938
Týsdag 20. august
Andglettur - Framtakið
97851
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745