Turkiskir myndugleikar kanna málið um Khashoggi

Turkiskir myndugleikar kanna málið um Khashoggi
Turskiskir myndugleikar kanna í dag arabiska konsulátið í Istanbul, eftir at Jamal Khashoggi hvarv, síðst sæddur á konsulátinum.
Jamal Khashoggi varð síðst sæddur, tá hann fór inn í saudiarabiska konsulátið í Turkalandi tann 2. oktober.
 
15.10.2018 - 15:45

Turskiskir myndugleikar kanna í dag arabiska konsulátið í Istanbul, eftir at saudiarabiski journalisturin, Jamal Khashoggi, hvarv eftir at hava vitjað í konsulátinum.

Á gjár tosaðu turkiski forsetin, Recep Tayyip Erdogan, og saudiski kongurin, Salman, fyri fyrstu ferð um horvna journalistin. Telefonsamrøðan skal millum annað hava snúð seg um spuringin um at seta ein arbeiðsbólk at kanna, hvar Khashoggi er.

Jamal Khashoggi er ikki sæddur, síðani hann vitjaði konsulátið 2. oktober. Turkiskir myndugleikar halda, at hann er dripin har inni, men hesum noktar Saudiarabia fyri.

Eisini uttanríkisráðharrarnir í ES hava vigjørt málið um horvna Jamal Khashoggi.

Uttanríkisstjórin í ES, Frederica Mogherini, sigur, at ES væntar at fáa neyva frágreiðing frá myndugleikunum í Saudiarabia. 

- Vit vóna opinleika og fullkomna greiðu á, hvat er hent, sigur uttanríkisstjórin í Luxemburg.

Fleiri fjølmiðlar og vinnufyritøkur í Vesturheiminum hava boðað frá, at tey fara at boykotta komandi íløguráðstevnuna, sum skal haldast í Saudiarabia. So seint sum í dag gav stjórin fyri amerikanska íløgubankanum, JP Morgan, Jamie Morgan, avboð til ráðstevnuna. Eisini stjórin hjá Ford, Bill Ford, hevur givið avboð.

Amerikanski forsetin, Donald Trump, hevur boðað frá harðari revsing, um Saudiarabia hevur dripið Khashoggi.

Saudiarabia hevur svarað aftur, at tey fara at svara øllum revsitiltøkum aftur á sama hátt.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585