Kanadiarar fegnast um frítt kannabis

17.10.2018 - 16:02
AktueltÚtheimurin
Kanadiarar fegnast um frítt kannabis
Í Kanada er lógin um kannabis linkað. Tað merkir, at frá í dag kunnu fólk keypa kannabis til at hugna sær við, og ikki bara til medisinsk endamál.
Fólk standa í kø til at keypa sær kannabis.
Mynd: © Scanpix  
 

Og spenningurin var stórur, nú kannabis er vorðið lættari at fáa hendur á. Fleiri handlar høvdu opið á midnátt, og bíðirøðirnar vóru langar at sleppa fram at evninum. Og soleiðis ljóðaði tað, tá klokkan var farin av midnátt í einum handli í Nýfundlandi.

- Eg haldi at eg ongantíð áður havi verið so spentur um nakað, sum eg eri í nátt, segði Ian Power, sum stóð í bíðirøðini við diskin sambært hesum klippinum, sum er á heimasíðuni hjá DR.

Longu í 2001 varð tað loyvt at keypa kannabis til medisinsk endamál í Kanada, men stjórnin hjá Justin Trudeau, forsætisráðharra, hevur seinastu gott tvey árini arbeitt fyri at gera kannabis enn frælsari. Tá lógarbroytingin varð samtykt í juni í ár, boðaði Trudeau frá, at tað frá 17. oktober fór at vera loyvt at keypa og roykja ein joint.

Eitt endamál við lógini er at rudda burtur tann stóra svarta marknaðin, sum forvinnur nógvar pengar uppá at selja kannabis. 

Við lógarbroytingini kunnu borgarar yvir 18 ár hava upp til 30 gram at kannabis uppi á sær og hava upp til fýra plantur heima. 

Tey, sum selja kannabis, skulu vera serliga góðkend til endamálið. Roknað verður við, at umleið 150 handlar í Kanada fara at selja kannabis.

Kanada er næsta landið í heiminum, sum loyvir borgarum at keypa kannabis til onnur enn heilsufremjandi endamál. Í Uruguay varð loyvt at keypa kannabis í 2013. Í øðrum londum hava tey eisini linkað lógina um kannabis, men tá er tað vanliga til medisinsk endamál.

 

 

 

 

 

 
Nýggjastu sendingar í ÚV
Mánadag 11. november
Við Tórði á túri í Odense
100924
Mánadag 11. november
Góðan morgun Føroyar 111119
100922
Mánadag 11. november
Norðurljóð 11.november 2019
100900
Mánadag 11. november
Morgunlesturin mánamorgunin 11.november 2019
100633
Nýggjastu sendingar í SV
Mánadag 11. november
3-2
100936
Sunnudag 10. november
Minningarhald teirra sjólátnu
100884
Sunnudag 10. november
Andakt við Jákup Eli Østerø
100878
Sunnudag 10. november
Stórmøti í Høllini á Hálsi
100880