Matstovur skulu kunna innflyta vín

17.10.2018 - 09:01
AktueltPolitikkur
Matstovur skulu kunna innflyta vín
Vinnumálaráðið hevur sent til hoyringar eitt lógaruppskot um, at Loyvisnevndin kann geva matstovum og øðrum fyritøkum loyvi til at innflyta vín.
 

Matstovur, sum hava skeinkiloyvi, skulu nú kunna innflyta vín uttan um Rúsuna.

Vinnumálaráðið hevur sent til hoyringar eitt lógaruppskot um, at Loyvisnevndin kann geva matstovum og øðrum fyritøkum loyvi til at innflyta vín, sum í mesta lagi er 15 prosent, frá 1.januar næsta ár.

Vinnumálaráðið sigur, at matstovuvinnan hevur oftari enn eina ferð víst á, at hon hevur brúk fyri at hava eitt størri úrval av dygdarvínum at bjóða gestum.

Tí verður lógin nú broytt. Og tað er eisini í samsvari við ferðavinnupolitikkin, sigur Vinnumálaráðið.

Sambært uppskotinum kunnu fyrtøkur selja innflutta vínið til Rúsuna ella til fyritøkur, sum hava skeinkiloyvi, so sum matstovur.

Vínið kann goymast á frígoymlu og tollavgreiðast so hvørt, tað verður tikið út haðani. 

Vinnumálaráðið væntar, at nýggja skipanin fer at kosta Rúsdrekkasøluni eina millión og 350.000 kr. næsta ár, eina millión og 480.000 kr. í 2020 og eina millión og 620.000 kr. í 2021.

Samstundis verður avlopskravið til Rúsuna stillað samsvarandi.

Tað verður eisini mett at vera ein fyirmunur hjá matstovuvinnuni, at hon fer at kunna samráðast um prísin á víni.
 

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Hósdag 23. mai
Andglettur - Framsókn
94822
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638