Politistøðin í Havn verður dýrari enn væntað

20.10.2018 - 10:32
AktueltPolitikkur
Politistøðin í Havn verður dýrari enn væntað
Ráðharrin í byggimálum biður nú um eykajáttan
 

Nýggja politistøðin í Havn verður dýrari enn upprunaliga væntað.

Ole Birk Olesen, danskur ráðharri í byggimálum, biður nú fíggjarnevndina hjá fólkatinginum um at hækka samlaðu játtanina til nýggju politistøðina, úr 108 milliónum upp í 138 milliónir krónur.

Av teimum 138 milliónunum eru umleið 42 milliónir fyri keypið av bygninginum í Húsagøtu.

Danska bygningsstyrelsen hevur havt umbyggingina í útboðið og tá avtornaði vórður tað einans tvey donsk feløg, ið vístu verkætlanini áhuga.

Boðini hjá báðum feløgunum vórðu hægri enn bygningsstyrelsen hevði mett kostnaðin at verða. Harafturat komu nakrar milliónir afturat samlaða kostnaðin, ið ikki var roknaður uppí frá byrjan av - millum annað fleiri parkeringspláss og eyka trygdartiltøk í húsinum.

Bygningsstyrelsen fór í samráðingar við bæði feløgini, ið bjóðaðu uppá arbeiðið og endin var, at danska felagið Ommen og Møller fekk arbeiðið.

Løgreglan í Føroyum flutti tíðliga í 2011 úr hølunum í Jónas Broncksgøtu til hølini Yviri við Strond, tí blámusoppur var staðfestur í hølunum í Jónas Broncksgøtu.

 
Nýggjastu sendingar í ÚV
Mikudag 24. apríl
Nón - MentanarMikudagur 24.04.2019
93819
Mikudag 24. apríl
Mono: New York & East Coast Hip Hop
93810
Mikudag 24. apríl
Ítróttasamband í 80 ár
93804
Mikudag 24. apríl
Góðan morgun Føroyar 24. apríl 2019
93797
Nýggjastu sendingar í SV
Mikudag 24. apríl
Minnist tú enn? (7:13)
19777
Mikudag 24. apríl
25 minuttir: Andrias Høgenni
93252
Mánadag 22. apríl
Hamradun - konsert í Tvøroyrar kirkju
93477
Mánadag 22. apríl
Møti
93735